Xoves 28 Marzo 2024

Galicia, pioneira a nivel estatal coa súa nova incubadora de fármacos

Galicia xa conta coa súa primeira incubadora de novos fármacos. E ademais é pioneira a nivel estatal. O proxecto, desenvolvido pola Xunta, a través da Axencia Galega de Innovación (Gain), a Fundación Kaertor e a farmacéutica Janssen, presentouse este luns de forma oficial no CiMUS da Universidade de Santiago de Compostela, onde ten a súa sede. Estará coordinado polos científicos Mabel Loza e Ángel Carracedo.

O proxecto, que levará por nome I2D2 (Incubation Innovation in Drug Discovery) espertou o interese de máis de 150 propostas de España, Francia, Alemaña, Reino Unido ou Canadá. Para desenvolver estes traballos, mobilizaranse 2 millóns de euros co obxectivo de favorecer a transferencia de coñecemento ao mercado e atraer estes inversores a Galicia. A convocatoria estará aberta ata decembro de 2018. Nesta primeira etapa priorizaranse os proxectos centrados nos eidos da oncoloxía, a inmunoloxía, as neurociencias, as enfermidades infecciosas e vacinas, a cardiovascular e o metabolismo.

Publicidade

A principios de 2018, desenvolverase unha segunda fase na que se vai realizar a incubación dos proxectos. Faranse os estudos encamiñados a adecuar as iniciativas aos obxectivos do programa, e cos resultados obtidos, farase unha análise de viabilidade para o paso a fases máis avanzadas.

Á presentación de este luns asistiron os conselleiros de Economía, Emprego e Industria, Francisco Conde; e de Sanidade, Jesús Vázquez, o reitor da USC, Juan Viaño, e o presidente de Janssen España, Martín Sellés.

Galicia, polo de innovación

Con esta incubadora, a Xunta, Janssen e Kaertor pretenden situar a Galicia como un polo europeo no sector da innovación farmacéutica. Intentarase orientar a investigación, buscar ideas e proxectos en calquera parte do mundo para que sexan desenvolvidos en Galicia. Para comezar, crearanse 10 empregos directos de alta cualificación na sede do I2D2 e outros tantos indirectos.

O proxecto tamén contará coa aportación da plataforma Innopharma do CiMUS da USC, que acadou nos últimos anos 42 acordos con compañías e empresas, 6 contratos con industrias farmacéuticas e 25 colaboracións con grupos de excelencia estatal. Con I2D2, Janssen súmase a outras importantes empresas do sector, como Esteve ou Roche Farma, que xa traballan con institucións galegas a través do programa de Unidades Mixtas de Investigación.

DEIXAR UNHA RESPOSTA

Please enter your comment!
Please enter your name here

Este sitio emprega Akismet para reducir o spam. Aprende como se procesan os datos dos teus comentarios.

Relacionadas

Nanotecnoloxía galega contra o tumor cerebral máis común

Un estudo da USC abre a porta a unha nova aproximación terapéutica que podería posibilitar un ensaio clínico nun prazo de tres anos

Investigadoras galegas constatan que as mulleres autistas camuflan máis os seus síntomas

O enmascaramento provoca retrasos no diagnóstico e problemas de saúde mental derivados da presión social

Yolanda Prezado: “Coa protonterapia erradicamos o 83% dos tumores en estudos preclínicos”

A científica galega referente en París incorpórase ao CiMUS para impulsar a investigación en Galicia da terapia con protóns

Ángel Carracedo: “O Proxecto Xenoma Galicia é o máis ambicioso do mundo”

A iniciativa recompilará o ADN de 400.000 galegos para identificar variantes xenéticas de alto risco e para anticiparse ás enfermidades