Xoves 28 Marzo 2024

Chega a Coruña o deseñador do ‘condón do futuro’ para a Fundación Bill Gates

Richard Chartoff é un experto en polímeros, as grandes moléculas das que está feito o ADN, a celulosa ou os plásticos. Pero a súa popularidade mundial está no deseño do ‘condón do futuro‘, un novo preservativo chamado a revolucionar a sexualidade e previr enfermidades venéreas. O seu traballo é un encargo da Fundación Bill e Melinda Gates.

Aínda hoxe, só nos Estados Unidos, rexístranse 20 millóns de novas doenzas de transmisión sexual ao ano. E o fundador de Microsoft pensou que unha causa podía estar na incomodidade que se atribúe aos preservativos. Non houbo melloras substanciais dende que, en 1957, Durex lanzou ao mercado o condón prelubricado. Así que no ano 2013 convocaron axudas e se presentaron 953 investigadores. Un deles foi Richard Chartoff, da Universidade de Oregón, que recibiu 100.000 euros para unha idea innovadora, mellorando o látex con que están fabricados os preservativos.

Publicidade

A súa idea é un condón ultrafino a base de polímeros elásticos de poliuretano que reaccionan á calor corporal e que se adaptan á forma do pene. “E máis resistente”, afirma Chartoff, “e tamén é hipoalerxénico, para ese oito por cento da poboación que é alérxica ao látex co que se fabrican a maioría dos condóns”.

Chartoff impartirá o xoves unha conferencia aberta ao público no Domus da Coruña

Agora, o investigador de Oregón visita a Universidade da Coruña, para unha serie de actos e conferencias. A principal será no museo DOMUS, este xoves, 9 de marzo, ás 19:00h, baixo o título “Os mellores condóns para o século XXI”.

Chartoff, director do Laboratorio de Caracterización de Polímeros da Universidade de Oregón, impartirá tamén un ciclo de conferencias de carácter académico máis especializadas nas instalacións da UDC na Coruña e Ferrol. O martes impartiu no CICA a charla titulada “Impresión 3D para a construción de nanomateriais poliméricos compostos”, e o vindeiro venres estará de novo neste centro de investigación no Campus de Elviña co tema “Novas tecnoloxías de impresión 3D para utensilios biomédicos personalizados”.
Mañá, mércores, 8 de marzo, estará na Escola Politécnica Superior, no Campus de Ferrol, onde ás 11:00 horas na aula de posgrao impartirá a conferencia: “Poliuretanos como alternativa ás epoxis para aplicacións como adhesivos mariños”.

Información sobre Richard Chartoff: http://chemistry.uoregon.edu/profile/chartoff/

DEIXAR UNHA RESPOSTA

Please enter your comment!
Please enter your name here

Este sitio emprega Akismet para reducir o spam. Aprende como se procesan os datos dos teus comentarios.

Relacionadas

Un traballo da UDC sobre investigación básica en epilepsia gaña o Epiforward 2024

O equipo conseguiu reducir a actividade cerebral grazas á aplicación de campos magnéticos en áreas concretas do cerebro

Científicos galegos participan no primeiro mapa español de bacterias resistentes aos antibióticos

A base de datos en liña proporciona o perfil xenómico de 461 cepas, procedentes de 41 hospitais situados en 13 rexións de España

Buscan nun cemiterio de Narón unha das maiores fosas creadas polos golpistas en Galicia

O 26 de decembro de 1936 levouse a cabo unha das máis grandes execucións masivas das que hai constancia en terras galegas, na que foron asasinadas un total de 34 persoas

As infeccións de transmisión sexual entre menores de 18 anos medran un 37% en España

O XIV Congreso Nacional GeSIDA celebrado na Coruña reúne a centos de expertos que debatirán sobre os avances e retos no ámbito do VIH