Xoves 28 Marzo 2024

Ángel Carracedo, presidente da Academia Internacional de Medicina Legal

O catedrático da Universidade de Santiago de Compostela, e director da Fundación Pública Galega de Medicina Xenómica, Ángel Carracedo, foi elixido como o novo presidente da Academia Internacional de Medicina Legal (IALM), durante o 24º Congreso da Academia que se está desenvolvendo en Fukuoka (Xapón) ata o venres 8. Carracedo sucede no cargo ao científico italiano Davide Ferrara.

Segundo informa a USC, a IALM, antes coñecida como a Academia Internacional de Medicina Legal e Medicina Social, foi fundada en 1938 na cidade de Bonn (Alemaña). O seu principal obxectivo é promover o progreso científico no campo da Medicina Legal, polo que promove a colaboración e o intercambio de información entre especialistas a nivel internacional. Con esta finalidade, a Academia organiza reunións e congresos científicos para establecer directrices e recomendacións nas diferentes áreas de Medicina Legal e a través das publicacións científicas.

Publicidade

A IALM ten como propósito colaborar con outras sociedades científicas neste eido, así como proporcionar coñecemento e experiencia para dar resposta ás consultas públicas relacionadas con esta disciplina da medicina. A Academia integra organizacións médico-legais do ámbito internacional e conta con representantes da maioría de países de todos os continentes.

7 COMENTÁRIOS

  1. Noraboa á Academia Internacional de Medicina Legal por acertar ao elixir ao seu novo presidente. Ben se ve que saben apreciar o talento.
    Son moi afortunados de ter a Carracedo entre eles.

  2. Noraboa a A. Carracedo é o seu equipo por este premio merecidisimo. Esto sí é un gran honor para todos os galegos.
    Vaia desde aquí á miña admiración por todas esas personas que traballan en investigación para mellorar a nosa vida.
    Creo que este é un premio tamén para todos.

  3. Noraboa
    Vale mais escoitar un minuto a Angel Carracedo que un dia enteiro a outros Como galego orguioso me atopo Parabens Angel merecelo

DEIXAR UNHA RESPOSTA

Please enter your comment!
Please enter your name here

Este sitio emprega Akismet para reducir o spam. Aprende como se procesan os datos dos teus comentarios.

Relacionadas

As plantas non nativas aceleran a desaparición dos ameneiros galegos

As árbores centroeuropeas que se importan para restaurar as plantacións afectadas por unha doenza fúnxica producen uniformidade xenética

Un novo método da USC axudará a combater o furtivismo marisqueiro en Galicia

Tres investigadores estiman que entre 2012 e 2020 máis de 1.700 persoas extraeron de forma ilegal 660 toneladas de marisco

Investigadoras galegas constatan que as mulleres autistas camuflan máis os seus síntomas

O enmascaramento provoca retrasos no diagnóstico e problemas de saúde mental derivados da presión social

Un equipo galego sinala os lípidos en sangue como biomarcadores de covid persistente

Investigadores do CiQUS ofrece unha nova perspectiva sobre a natureza desta enfermidade e abre a porta a diagnósticos e tratamentos máis específicos