Por Iago Souto
Situado na ria de Pontevedra, no concello de Sanxenxo, atópase o campo da Lanzada, un dos xacementos arqueolóxicos máis importantes de Galicia. A gran cantidade e singularidade dos materiais e estruturas achados nel, fan deste lugar un sitio único que nos permite viaxar ó pasado e recuperar parte da nosa historia.
Os traballos levados a cabo polo equipo de arqueoloxía da Deputación de Pontevedra, xunto coas investigacións realizadas polos distintos grupos de investigación da Universidade de Santiago de Compostela, da Universidade de Vigo e da Universidade de León, aportan novas pistas que permiten dar unha volta as hipóteses existentes que eran inamovibles ata o día de hoxe. Cada novo descubrimento permítenos saber con máis certeza de que xeito evolucionaron os nosos antepasados.