Únete á nosa canle de Whatsapp
Por Icía Rodríguez e Ángel Carro
Dende 1988 o departamento de Ecotoxicoloxía da Facultade de Bioloxía da USC desenvolve investigacións de vital importancia para o noso planeta. Actualmente están a traballar con briófitos para medir o nivel de contaminación no aire e na auga.
Publicidade
Esta nova técnica de biomonitorización consiste en empregar determinadas especies de musgo, cultivadas en laboratorio co obxectivo de non danar o medio e de regularizar as medidas, e empregalas en diferentes puntos de mostraxe para coñecer a contaminación presente.
Esta é unha ferramenta eficaz e eficiente, aínda que non conseguiu estandarizarse polo de agora. No caso de facelo podería aumentar en gran medida o benestar dos nosos ecosistemas e a nosa calidade de vida.
