O alumnado do San Martiño que participa en Pontenciencia.

O alumnado do San Martiño que participa en Pontenciencia.

Os pequenos científicos de San Martiño desbotan falsos mitos

Os alumnos deste colexio pontevedrés preparan catro experimentos para a terceira edición da feira Pontenciencia

Os alumnos de 5º e 6º de Primaria do colexio pontevedrés San Martiño queren dar resposta ás inquedanzas que acotío os rodean. E o mellor momento para facelo é a feira da ciencia Pontenciencia, organizada polo Concello de Pontevedra coa colaboración da Uvigo e a FECYT.

Esta oportunidade achega aos alumnos “motivación”, conta o seu profesor de Ciencias Naturais, Diego Fariña, xa que “están acostumados a que se lles conten as cousas e aquí eles poden poñer en práctica o aprendido e constrúen así a súa propia aprendizaxe”.

Os alumnos de centraron os seus proxectos no corpo humano. Por un lado, desenvolveron “Soprarei e soprarei” no que miden a capacidade pulmonar, neste caso dos nenos do colexio, e os factores que inflúen en que aumente ou diminúa. Por outra banda, elaboraron “Con moito tacto” para descubrir cales son as zonas da pel que teñen máis sensibilidade á presión, sendo finalmente as xemas dos dedos.

Pola súa parte, os alumnos de de Primaria quixeron comprobar se o zume de laranxa é o que ten máis vitamina C e se ás 24 horas esta desaparece. Para averigualo, deseñaron o experimento “Fábricas de vitamina C”, no que comprobaron que estas hipóteses eran falsas e que a fresa e o kiwi son os que máis teñen este compoñente. Para rematar, o proxecto “A auga: é condutora ou illante?” quería responder a esta pregunta con auga destilada, da billa, azucrada e salgada, concluíndo que as tres primeiras non son condutoras. Só conduce a electricidade a auga con sal. Aínda que a auga do no so corpo ou a da traída levan sales minerais que poden transportar a enerxía eléctrica.

Os alumnos aprenden a traballar en equipo e a respectar as decisións dos seus compañeiros. “Eles pídenme constantemente máis retos porque é realmente onde se involucran”, conclúe Fariña.

Deixar unha resposta

XHTML: Podes empregar estas etiquetas: <a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <s> <strike> <strong>

POLÍTICA DE COMENTARIOS:

GCiencia non publicará comentarios ofensivos, que non sexan respectuosos ou que conteñan expresións discriminatorias, difamatorias ou contrarias á lexislación vixente.

GCiencia no publicará comentarios ofensivos, que no sean respetuosos o que contentan expresiones discriminatorias, difamatorias o contrarias a la ley existente.