Únete á nosa canle de Whatsapp
A Facultade de Veterinaria do Campus Terra da USC acolle os martes 16 e 23 de xaneiro as xornadas internacionais “Xenómica para a mellora das producción e a xestión da biodiversidade”. No evento reuniranse investigadores de institucións como a Universidade de Vigo, Universidade de Zaragoza, a Autónoma de Barcelona, Universidade Politécnica de Madrid, o Instituto de Ciencias del Mar, o Centro de Investigaciones Forestales, o Roslin Institute, así como da universidade organizadora da actividade.
As xornadas teñen por obxecto “discutir a contribución da xenética e da xenómica á mellora das produccións do sector primario, centrándose as mesmas na produción animal e a produción forestal, así como no papel que pode xogar na conservación e na xestión da biodiversidade”, segundo sinalan os organizadores.
Abordaranse temas como o programa de selección xenética da raza rubia galega, a selección xenómica en bovino de leite, ovino e porcino, a mellora xenética en acuicultura, no referente ás producións animais e outros asuntos como a conservación dos recursos xenéticos forestais ou a recuperación do lince ibérico.
Aquí podes consultar o calendario completo das xornadas e o currículo dos poñentes.
