catedral Santiago

A USC súmase á candidatura do Concello de Santiago ao proxecto Urban Innovative Actions

A USC participa no proxecto PLECOCITYS, PLAN(ET) ECOCITY SANTIAGO, co que o Concello de Santiago se presenta á segunda convocatoria europea Urban Innovative Actions, dentro da temática Economía Circular. O proxecto  busca iniciar unha transición cara os principios da economía circular “ enfrontando un dos maiores desafíos das cidades contemporáneas, a xestión de residuos, achegando propostas de solucións innovadoras nos seus principais puntos febles: a gran porcentaxe de residuos orgánicos desaproveitados, a reutilización de produtos electrónicos e a busca dunha participación activa da cidadanía”.

Con esta iniciativa o Concello compostelá pretende primar un uso máis eficiente dos recursos, a ampliación da vida útil dos obxectos producidos e o tránsito cara unha economía de usuarios e non de consumidores. No desenvolvemento do proxectos, a USC achega a experiencia dun total de catro grupos de investigación: o de Agronomía da Escola Politécnica Superior de Lugo; de Produción, calidade e tecnoloxía do leite e outros alimentos do Instituto de Investigación e Análise Alimentaria; de Economía ecolóxica e dos recursos naturais (Bioeconomía); e o de Pedagoxía Social e Educación Ambiental do departamento de Pedagoxía e Didáctica (SEPA).

A participación nesta candidatura quedou formalizada este martes coa sinatura dunha carta de compromiso subscrita polo alcalde Martiño Noriega e a vicerreitora de Investigación e Innovación, Isabel Rodríguez-Moldes.

Deixar unha resposta

XHTML: Podes empregar estas etiquetas: <a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <s> <strike> <strong>

POLÍTICA DE COMENTARIOS:

GCiencia non publicará comentarios ofensivos, que non sexan respectuosos ou que conteñan expresións discriminatorias, difamatorias ou contrarias á lexislación vixente.

GCiencia no publicará comentarios ofensivos, que no sean respetuosos o que contentan expresiones discriminatorias, difamatorias o contrarias a la ley existente.