O vicerreitor de Política Científica, Investigación e Transferencia, Salvador Naya, recibiu esta mañá ao vicerreitor de Relacións Internacionais de Gavar State University, Armenia, Arsen Aproyan, e á profesora Siranush Khachatryan, que visitan a Universidade da Coruña para buscar novas oportunidades de mobilidade internacional entre os estudantes e o persoal de ambas as dúas entidades.
A UDC e Gavar State University teñen xa un convenio de dobre titulación co Mestrado en Ciencias, Tecnoloxía e Xestión Medioambiental, que o curso pasado contou cun alumno armenio. Actualmente, a UDC acolle a catro alumnos desa universidade cursando un semestre, tres deles en Dereito e un en Economía.
A profesora Khachatryan impartirá docencia durante esta semana nas Facultades de Socioloxía e Filoloxía, mentres que o vicerreitor Aproyan manterá diversas reunións con distintos profesores, tanto na Facultade de Dereito como na Facultade de Ciencias.