Venres 29 Marzo 2024

Unha tese de Lugo crea un modelo de xestión forestal para o piñeiro marítimo

Unha tese de Lugo crea un modelo de xestión forestal para o piñeiro marítimo

A Escola Politécnica Superior do campus de Lugo, da Universidade de Santiago, contribúe á mellora da xestión forestal do piñeiro marítimo co desenvolvemento e coa optimización dun novo modelo dinámico de rodal que permite simular a evolución das masas forestais e, por tanto, predicir así parámetros como como o crecemento ou a produción dos piñeiros marítimos.
Estes avances respecto da xestión forestal do piñeiro marítimo son resultado da tese de doutoramento ‘Desenvolvemento dun modelo dinámico de rodal e optimización da xestión de Pinus pinaster Ait. En Asturias’, unha investigación realizada por Manuel Arias Rodil baixo a dirección dos profesores Ulises Diéguez e Marcos Barrio e que vén de presentar este enxeñeiro de Montes na Escola Politécnica Superior do campus de Lugo. Na elaboración desta tese de doutoramento tamén colaboraron investigadores da Universidade de Oviedo, que facilitaron o acceso á información recollida dende 2007 en masas forestais de dita especie, ademais de información de primeira man sobre o tipo de xestión forestal desenvolvida, así como outros investigadores da Universidade de León, que tamén achegaron outros conxuntos de datos.
Máis información no seguinte enlace:

DEIXAR UNHA RESPOSTA

Please enter your comment!
Please enter your name here

Este sitio emprega Akismet para reducir o spam. Aprende como se procesan os datos dos teus comentarios.

Relacionadas

Un bólido cruza a costa de Lugo ata caer no Cantábrico

A segunda bóla de lume visible dende Galicia en apenas dúas semanas procedía da chuvia de estrelas das delta-leónidas

Novos achados revelan o carácter funerario da ‘roda’ de Adai, un xacemento único en Galicia

A descuberta dunha ola que se conserva completa e de pé sobre unha lousa suxiren que servía para actos rituais fundacional

Atopado o talón de Aquiles da rata toupa, a praga que azouta a montaña luguesa

O estudo do órgano vomeronasal deste mamífero subterráneo avala o uso de químicos para diminuír a súa poboación e frear o seu impacto na agricultura

Lugo será refuxio climático para as ‘árbores dinosauro’

O xardín botánico Arboretum participa nun proxecto internacional de conservación do coñecido 'piñeiro wollemi'