Creadores de OpSeeker (esquerda) e ZebraNanoTox. Foto: USC.

Creadores de OpSeeker (esquerda) e ZebraNanoTox. Foto: USC.

Un proxecto sobre finanzas e outro sobre toxicidade gañan os premios Yuzz en Santiago e Lugo

OpSeeker, un asesor financeiro en liña independente, e ZebraNanoTox, un proxecto servizos de avaliación de toxicidade e eficacia de compostos e nanocompostos en peixe cebra, foron os gañadores da oitava edición  do programa Santander Yuzz nos centros de Santiago e Lugo, respectivamente.

Os gañadores viaxarán a Silicon Valley para continuar a súa formación

Os seus promotores conseguen así unha praza para viaxar a Silicon Valley xunto aos outros 50 mellores mozos e mozas emprendedores do programa que promove Banco Santander a través de Santander Universidades e coordina o Centro Internacional Santander Emprendemento (CISE). Á volta asistirán á final nacional que ten lugar na Cidade Grupo Santander de Boadilla del Monte na que se elixirán os tres mellores proxectos emprendedores, que recibirán 30.000, 20.000 e 10.000 euros.

As ferramentas desenvolvidas polos promotores de OpSeeker, o licenciado en Finanzas Gonzalo Camiña Ceballos e a enxeñeira informática Lucie Hefnerová, traballan a parte psicolóxica dos investimentos e á vez proporcionan a información necesaria para que o usuario saiba cómo e onde debe investir, “axudando a comprender a importancia de combinar o aforro e os investimentos a longo prazo coas estratexias e produtos máis axeitados”, explican.

Pola súa banda, en ZebraNanoTox Vanessa Pérez Cedrón e a súa colaboradora Carla Gutiérrez baseáronse na utilización dun innovador e recente organismo modelo, como é o peixe cebra.

Ademais do premio ao mellor proxecto, o Centro Yuzz Santiago acordou recoñecer a valía doutros proxectos que pasaron este ano polo programa. En Santiago, Lumpwave foi o finalista do Premio Santander YUZZ de Innovación Tecnolóxica Disruptiva. O seu promotor, Ignacio Hernández Jiménez, pretende desenvolver un envase que permita a conservación da comida caseira (guisos, arroces, carnes..) sen necesidade de usar neveiras ou frigoríficos, durante máis tempo e de maneira máis cómoda.

En Lugo, EICPar, impulsado por José Angel Hernández Malagón e Antonio Miguel Palomero Salinero, resultou finalista nesta categoría, que impulsa INDRA cunha dotación de 3.000 euros e con apoio e asesoramento de profesionais de Indraventures.

Pola súa banda, Coeduca, un proxecto creado por Cecilia Porral Iglesias, foi seleccionado no Centro de Lugo como finalista para o premio YUZZ Muller que patrocina a Fundación EY dotado con 20.000 euros, mentres que en Santiago este galardón lle correspondeu a Andrea Hernández.

Deixar unha resposta

XHTML: Podes empregar estas etiquetas: <a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <s> <strike> <strong>

POLÍTICA DE COMENTARIOS:

GCiencia non publicará comentarios ofensivos, que non sexan respectuosos ou que conteñan expresións discriminatorias, difamatorias ou contrarias á lexislación vixente.

GCiencia no publicará comentarios ofensivos, que no sean respetuosos o que contentan expresiones discriminatorias, difamatorias o contrarias a la ley existente.