anxo tato

Premio Hispasat para un proxecto de fin de carreira de Telecomunicacións da UVigo

“O broche de ouro a sete anos de carreira”. Anxo Tato Arias, estudante de doutoramento da Escola de Enxeñaría de Telecomunicación, é un dos gañadores da XXXVI Edición dos Premios aos Mellores Proxectos de Fin de Carreira, Traballos de Fin de Máster, Teses de Doutoramento e Traxectorias Académicas en Enxeñaría de Telecomunicación outorgados polo Colegio Oficial de Ingenieros de Telecomunicación. Gañou na categoría Premio Hispasat ao Mellor proxecto fin de carreira en novas tecnoloxías para satélites de comunicacións e o vindeiro día 24 recollerá o galardón nunha cerimonia que se celebrará no Instituto de la Ingeniería de España.

“Para min o máis importante é a satisfacción de que valoren tan positivamente o meu traballo e poder poñer no currículo este premio”, subliña o mozo investigador, contratado polo centro de investigación AtlantTIC da Universidade de Vigo no marco do proxecto de I+D Táctica. Satisfeito e ilusionado, ten tamén palabras de agradecemento para o director do proxecto, o catedrático da Escola de Enxeñaría de Telecomunicación Carlos Mosquera, “o premio é tamén un recoñecemento ao seu bo facer”. Entregaranlles cadanseu diploma acreditativo e, a maiores, o autor do proxecto recibirá unha gratificación en metálico de 1000 euros.

Máis información no seguinte enlace:

Un proxecto fin de carreira vigués, entre os mellores do ano en Enxeñaría de Telecomunicación

O autor, Anxo Tato Arias, recollerá o galardón o vindeiro 24 de xuño en Madrid O traballo trata de mellorar as comunicacións vía satélite con terminais móbiles (coches, barcos, drones…) “O broche de ouro a sete anos de carreira”.

 

Deixar unha resposta

XHTML: Podes empregar estas etiquetas: <a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <s> <strike> <strong>

POLÍTICA DE COMENTARIOS:

GCiencia non publicará comentarios ofensivos, que non sexan respectuosos ou que conteñan expresións discriminatorias, difamatorias ou contrarias á lexislación vixente.

GCiencia no publicará comentarios ofensivos, que no sean respetuosos o que contentan expresiones discriminatorias, difamatorias o contrarias a la ley existente.