Xoves 28 Marzo 2024

Un estudo da UVigo afirma que Ence xera 5.100 empregos e 3 millóns de xornais

Un estudo da UVigo afirma que Ence xera 5.100 empregos e 3 millóns de xornais

A demanda internacional de celulosa procedente de cultivos forestais galegos xera o 30% dos empregos do sector forestal da comunidade autónoma. Así o establece o ‘Informe sobre a contribución da fábrica de Ence en Pontevedra ao desenvolvemento social, económico e ambiental de Galicia’. Este estudo, realizado seguindo a metodoloxía input-output do Instituto Galego de Estatística (IGE) sitúa en 5.100 o número de empregos directos, indirectos e inducidos xerados por Ence en Galicia. Máis de 4.000 destes empregos están relacionados coa actividade forestal. Un total de 800 postos de traballo xéranse na bisbarra de Pontevedra e están asociados ao proceso de transformación da madeira.

A Asociación Forestal da Mariña asina con Ence a creación dun coto redondo

Ademais, un estudo realizado por investigadores da Universidade de Vigo ao abeiro da Cátedra Ence e que será presentado nos próximos días determina que a madeira cultivada en Galicia para satisfacer o consumo de Ence nun só ano require investimentos de preto de 24 millóns de euros no monte. Tendo en conta o custo de produción medio, dedúcese que a subministración sostida de madeira galega a Ence fai necesarios máis de 3 millóns de xornais nos montes de Galicia.
Por outra banda Ence e a Asociación Forestal da Mariña veñen de asinar un acordo para a creación dun coto redondo con 4.000 toneladas de madeira, que permitirá as explotacións forestais agruparse para obter primas pola venda da súa produción. De feito, a iniciativa do coto redondo supón un mellor aproveitamento do monde, en contraste co minifundismo tradicional en Galicia. O acordo permitirá aos produtores cobrar unha prima de 3,5 euros por tonelada de madeira vendida.
Podes ler máis sobre a nova no seguinte enlace:

Publicidade

DEIXAR UNHA RESPOSTA

Please enter your comment!
Please enter your name here

Este sitio emprega Akismet para reducir o spam. Aprende como se procesan os datos dos teus comentarios.

Relacionadas

As cinzas dos lumes de 2017 poden causar alteracións no plancto costeiro da Vigo

O estudo realizado por investigadores do CIM da Universidade de Vigo centra a súa investigación na escorredura posterior ás queimas

Os bioplásticos e polímeros sintéticos teñen realmente capacidade de biodegradación?

O proxecto Polbio nace para determinar se este proceso pode ter algún efecto tóxico en ambientes terrestres e acuáticos

Un método estatístico permite detectar por primeira vez que liñaxes celulares evolucionan máis rápido

O estudo, no que colabora a Universidade de Vigo, axudaría a identificar mutacións con incidencia en enfermidades como o cancro

Galicia superará os 40 graos durante a cuarta onda de calor da península

O sur de Pontevedra a Ourense serán as zonas máis afectadas durante un episodio de calor intenso que durará ata o xoves