Regueifas-novembro

Un debate sobre ciencia e fe pecha a primeira edición de Regueifas de Ciencia

Fernando Sánchez Dragó, Emili Marlés, Antonio Martínez Ron e Juan Ignacio Pérez ‘Iñako’ serán os encargados de debater acerca da coexistencia entre ciencia e relixión na que será a última actividade das‘Regueifas de Ciencia’ deste ano, unha iniciativa de divulgación científica da USC financiada pola Fecyt.

Pode a ciencia por si soa explicalo todo?, un maior progreso científico implica o declive da relixión?, poden os científicos profesar algunha fe relixiosa?, hai cabida para a espiritualidade nun mundo no que a ciencia avanza a pasos de xigante? ou é a ciencia unha nova relixión en si mesma?. Para tentar dar resposta a todas estas preguntas e algunha máis, Regueifas da Ciencia convoca un novo debate o 10 de novembro ás 20.00 horas en Ciencias da Comunicación.

Defendendo a compatibilidade da fe e da ciencia estarán o novelista Fernando Sánchez Dragó e o sacerdote teólogo e físico Emili Marlés, que se enfrontarán dialecticamente ao xornalista e divulgador científico Antonio Martínez Ron e a Juan Ignacio Pérez ‘ Iñako’, coordinador da Cátedra de Cultura Científica da Universidade do País Vasco.

Todos participan
‘Regueifas de Ciencia’, que cun enorme éxito de aceptación pecha agora a súa primeira edición, consiste en diversos debates tipo Oxford (con moderador, quendas de palabra cronometrados, estrutura por bloques…) sobre cuestións polémicas baseadas na ciencia. Os transxénicos, o cambio de fuso horario en España e a experimentación científica en animais foron os temas dos tres anteriores.

Para comprobar a capacidade persuasiva deste tipo de acción dialécticas, á entrada da sala pregúntaselle ao público –a través dun sistema de voto electrónico– cal é a súa postura inicial sobre o tema a tratar, que será confrontada xusto ao remate da sesión.  O equipo que organiza estes debates, que se retransmiten en streaming dende a facultade, comezou xa a preparar o terreo da regueifa animando a un debate previo a través das súas contas en Facebook e Twitter (@regueifaciencia).

Deixar unha resposta

XHTML: Podes empregar estas etiquetas: <a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <s> <strike> <strong>

POLÍTICA DE COMENTARIOS:

GCiencia non publicará comentarios ofensivos, que non sexan respectuosos ou que conteñan expresións discriminatorias, difamatorias ou contrarias á lexislación vixente.

GCiencia no publicará comentarios ofensivos, que no sean respetuosos o que contentan expresiones discriminatorias, difamatorias o contrarias a la ley existente.