Venres 29 Marzo 2024

Unha tese do grupo I+D Farma premiada pola Sociedade Europea de Biomateriais

O investigador do grupo de I+D Farma Luis Antonio Díaz Gómez acaba de recoller o Julia Polak European Doctorate Award no transcurso do congreso anual da Sociedade Europea de Biomateriais celebrado en Atenas. Este recoñecemento premia aquelas teses de doutoramento que acreditan un alto nivel de formación do investigador nos campo dos biomateriais e a enxeñaría de tecidos e que teñan dado lugar a resultados científicos publicados en revistas de elevado índice de impacto.

Baixo a dirección da profesora Carmen Álvarez Lorenzo e do profesor Ángel Concheiro Nine, do Departamento de Farmacia e Tecnoloxía Farmacéutica, a tese centrouse no deseño de dous tipos de sistemas implantables constituídos por armazóns poliméricos e factores de crecemento plaquetario. Trátase concretamente de scaffolds nanofibrosos para rexeneración  de tendón aplicando técnicas de electrospinning e scaffolds ríxidos porosos para a rexeneración do tecido óseo por espumado con CO2 supercrítico.

Publicidade

Este novos procedementos de preparación, desenvolvido coa colaboración do investigador Ramón y Cajal Carlos Alberto García González, deron xa lugar a unha patente neste ámbito. Integrante do equipo de investigación I+D Farma, Luis Díaz realizou estadías de investigación na Radboud University (Holanda) e na Universidade Nacional de Mar da Prata (Arxentina) e é coautor dunha ducia de artigos en revistas idexadas. Actualmente desenvolve unha estadia posdoutoral no Departamento de Bioenxeñaría da Rice University (Houston) cunha axuda da Xunta de Galicia.

1 comentario

DEIXAR UNHA RESPOSTA

Please enter your comment!
Please enter your name here

Este sitio emprega Akismet para reducir o spam. Aprende como se procesan os datos dos teus comentarios.

Relacionadas

Galicia avanza para contar cos seus propios medicamentos CAR-T nos próximos anos

A finais de ano abrirá un centro de produción en Santiago e un proxecto de investigación traballa para aplicalos en tumores sólidos

Así era Castro Valente: a fotografía láser recrea a muralla da gran fortaleza medieval galega

Un estudo da USC usa as novas tecnoloxías para ampliar información sobre o xacemento de 10 hectáreas situado entre Padrón e A Estrada

O meteorito que brillou como cincuenta lúas cheas xa pode visitarse en Santiago

Tratouse dun asteroide de 1,15 metros de tamaño e 2,62 toneladas de masa que chocou contra a atmosfera a 15 Km/s

Unha tese galega demostra a viabilidade de reutilizar restos vinícolas e pesqueiros no país

Antonio Cortés avaliou a sustentabilidade das estratexias de valorización de residuos orgánicos, alén de estudar a ecoeficiencia dos procesos