Venres 29 Marzo 2024

Récord de choiva en Compostela: en dúas semanas caeu a cuarta parte de todo 2015

365,2 litros por metro cadrado. Esta é a cifra de chuvia recollida co pluviómetro manual da estación meteorolóxica do Observatorio Ramón María Aller da USC entre o comezo deste ano e as 9.00 horas deste xoves 14 de xaneiro. Ademais, este volume de precipitacións equivale ao 27,8% do total da choiva recollida durante todo o ano 2015.

Os datos acaba de facelos públicos o director do Observatorio Astronómico, José Ángel Docobo, para quen, logo da revisión dos rexistros dos últimos 30 anos, representan un récord de precipitacións nestas tres últimas décadas. “O máis próximo a estas cantidades foron os 306 litros/m2 recollidos a comezos de 2014 e que no total daquel mes se ampliaran ata 498,7 litros/m2, ou os 298,1 litros de 2001, con 546,2 en todo aquel mes”, engade o director do Observatorio.

Publicidade

Neste primeiros días de xaneiro, choveu todos os días, con especial intensidade o día 7 (88,6 litros/m2) e na noite pasada (do 13 ao 14) con 50 litros. Tamén foron significativos os rexistros dos pasados días 3, 6 e 9, con cifras superiores aos 30 litros/m2.

DEIXAR UNHA RESPOSTA

Please enter your comment!
Please enter your name here

Este sitio emprega Akismet para reducir o spam. Aprende como se procesan os datos dos teus comentarios.

Relacionadas

00:00:12

Karlotta azouta Galicia con refachos de máis de 200 km/h

A borrasca mantén á comunidade en alerta laranxa por vento e chuvia este xoves e provoca varias incidencias

A borrasca Irene azouta Galicia con refachos de máis de 80 km/h

É unha fronte de alto impacto e A Coruña e Ourense poderán acumular 40 litros en 12 horas

Santiago rexistrou máis de 2.300 horas de Sol en 2023, a segunda marca máis alta do século

A chuvia recollida ao longo do ano superou os 2.000 litros por metro cadrado, mentres que a temperatura máxima foron os máis de 36 graos do pasado 8 de agosto

A primeira fronte fría do ano activa as alertas por chuvia e vento en todo o litoral galego

Galicia empeza 2024 baixo os efectos dunha borrasca atlántica que deixará precipitacións intensas e refachos que superarán os 80 km/h