A toponimia castiga á Universidade da Coruña nos ránkings

Problemas de toponimia fan que a UDC caia nos ránkings

Un recente ránking publicado pola Fundación BBVA deixaba moi mal parada á Universidade da Coruña, un estudo que segundo o vicerreitor de Investigación, Ricardo Cao, «é pouco transparente e non deixa nada claro nin como se calcularon os indicadores, nin que fontes utilizaron para facelos». A pesar diso, recoñece que a institución académica coruñesa ten «un problema importante de visibilidade» debido á toponimia da cidade e da entidade, o que complica a procura de publicacións realizadas polos investigadores coruñeses.