Xoves 28 Marzo 2024

Primeira convocatoria para contratar investigadores do programa InTalent da UDC e Inditex

O reitor da Universidade da Coruña, Julio Abalde, presentará en rolda de prensa o vindeiro mércores, 2 de novembro, a primeira convocatoria para contratar a dous investigadores posdoutorais do Programa InTalent UDC-Inditex. A presentación aos medios de comunicación farase na Sala de Prensa da Reitoría ás 11:00 horas, e ademais do reitor estará o vicerreitor de Política Científica, Investigación e Transferencia, Salvador Naya.

O Programa InTalent UDC-Inditex ten como obxectivo atraer á Universidade da Coruña a científicos con proxección e ampla traxectoria internacional para que desenvolvan o seu proxecto investigador nos centros de investigación da UDC na Coruña e Ferrol. Este Programa que se está a poñer en marcha nace da colaboración coa empresa Inditex, logo de que o pasado 17 de outubro o reitor e o presidente de Inditex, Pablo Isla, asinasen un convenio de colaboración.

Publicidade

A multinacional comprometeuse a financiar o proxecto, que ten vixencia ata o ano 2021, cun total de 1.450.000 euros para contratar a seis científicos. Os investigadores seleccionados incorporaranse anual e progresivamente en grupos de dous nos anos 2017, 2018 e 2019. Rematado o período de estadía de cada investigador, a UDC integraraos como persoal docente e investigador. Os científicos serán seleccionados por unha comisión que avaliará os seus méritos, sendo a excelencia investigadora o criterio principal. Valorarase tamén o impacto científico e social positivo do plan de investigación. Cada investigador permanecerá contratado con cargo ao convenio durante dous anos, con posibilidade de prórroga dun ano máis.

DEIXAR UNHA RESPOSTA

Please enter your comment!
Please enter your name here

Este sitio emprega Akismet para reducir o spam. Aprende como se procesan os datos dos teus comentarios.

Relacionadas

A toxoplasmose é un factor de risco para o envellecemento inflamatorio nos maiores

Un estudo da UDC demostra que as persoas cunha resposta de anticorpos máis forte á infección tiñan máis probabilidades de ser fráxiles

Dez anos de xornalismo e divulgación

O reitor da UDC, Julio Abalde, salienta o papel de Gciencia como impulsor da divulgación científica en Galicia nos últimos 10 anos

A UDC coordina o primeiro sensor automático en detectar zoonoses a escala mundial

O proxecto está liderado polo grupo do investigador Alejandro Criado. Chámase FLUFET e identifica un amplo espectro de obxectivos virais

Os investigadores galegos da trama saudita cobraron da empresa do intermediario dos árabes

Os dous empregados do Centro da Carne, cunha desenfreada produción científica, inscribíronse na universidade Rei Abdulaziz pese a desenvolver a súa carreira en Galicia