Jose_ameijeiras

Premio para José Ameijeiras pola súa investigación sobre os ránking de revistas científicas

O doutorando da USC Jose Ameijeiras Alonso recibiu o premio á Mellor Comunicación Oral na Área de Ciencias Experimentais e Tecnolóxicas no IV Encontro da Mocidade Investigadora celebrado estes días en Santiago de Compostela. Ameijeras Alonso está facendo a súa tese de doutoramento no Departamento de Estatística e Investigación Operativa da Facultade de Matemáticas da USC dirixida polos profesores Rosa M. Crujeiras e Alberto Rodríguez Casal.

O traballo ‘Como ordenar revistas científicas’ recolle unha revisión dos principais índices empregados na actualidade no eido da clasificación das revistas científicas de impacto, un tema especialmente relevante para todos os investigadores, non só os da rama das Ciencias Experimentais e Tecnolóxicas. Ameijeiras propón un novo índice, con técnicas probabilísticas e estatísticas para ordenar as revistas en función da relevancia metodolóxica na súa área.

Este premio, que recoñece o labor dos novos investigadores na rama de Ciencias Experimentais e Tecnolóxicas, convocouse co gallo do IV Encontro da Mocidade Investigadora organizado pola Escola de Doutoramento Internacional da USC.

Deixar unha resposta

XHTML: Podes empregar estas etiquetas: <a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <s> <strike> <strong>

POLÍTICA DE COMENTARIOS:

GCiencia non publicará comentarios ofensivos, que non sexan respectuosos ou que conteñan expresións discriminatorias, difamatorias ou contrarias á lexislación vixente.

GCiencia no publicará comentarios ofensivos, que no sean respetuosos o que contentan expresiones discriminatorias, difamatorias o contrarias a la ley existente.