160317Etoloxxa

O comportamento dos animais, a debate en Lugo no Congreso de Etoloxía Clínica

O comportamento dos animais e as súas problemáticas asociadas centran esta fin de semana as distintas sesións programadas no marco do II Congreso de Etoloxía Clínica, un foro que se desenvolverá a partir das 9.30 horas deste sábado, 25 de marzo na Facultade de Veterinaria do Campus Terra da USC.

A veterinaria Cristina Ortega abrirá a quenda de intervencións deste congreso cunha dobre intervención na que explicará algunhas das pautas e indicacións recollidas na guía de supervivencia felina. De seguido, Rita Campos abordará cuestións relativas ás intervencións asistidas con animais en aras a acadar un maior benestar e tamén sobre cómo se preparan estas mascotas para este este tipo de actuacións.

As claves para introducir unha mascota canina na familia e a psicodermatoloxía canina centrarán, xa en quenda de tarde, o relatorio que ofrecerá Germán Quintana. Fuencisla Martínez e Ana López pecharán a quenda de relatorios do sábado con intervencións relativas á prevención de problemas de comportamento en cachorros e manexo e control de estrés en fauna silvestre, respectivamente.

A veterinaria diplomada europea en etoloxía Clínica e contratada no Hospital Clínico Veterinario Rof Codina, Ángela González, abrirá a quenda de intervencións do domingo, a partir das 9.30 horas, cunha dobre intervención na que falará sobre a ansiedade das mascotas por separación e da agresividade canina a persoas da familia. A importancia da exploración neurolóxica das mascotas como chave para atallar os seus problemas de comportamento é o tema o que abordará Luciano Espino na sesión de clausura deste foro.

Deixar unha resposta

XHTML: Podes empregar estas etiquetas: <a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <s> <strike> <strong>

POLÍTICA DE COMENTARIOS:

GCiencia non publicará comentarios ofensivos, que non sexan respectuosos ou que conteñan expresións discriminatorias, difamatorias ou contrarias á lexislación vixente.

GCiencia no publicará comentarios ofensivos, que no sean respetuosos o que contentan expresiones discriminatorias, difamatorias o contrarias a la ley existente.