Únete á nosa canle de Whatsapp
Nove institutos da bisbarra de Ferrolterra participarán no programa ContandoCiencia, nunha actividade que xira en col dunha charla do profesor de Física Teórica da Universidade de Santiago Javier Mas, que falará baixo un título que semella un refrán: “Luz crepuscular pouco é de fiar”.
A actividade está convocada pola Concellería de Educación do Concello de Narón, e contará cun total de 502 alumnos e 30 profesores, dende cuarto curso da ESO ata segundo de Bacharelato.
“O principal obxectivo é divulgar ciencia e buscar vocacións entre os estudantes da comarca”, din os organizadores dunha charla que terá lugar no Pazo da Cultura de Narón o vindeiro lunes 13 de novembro ás 11.30 horas.
Javier Mas falará sobre os fenómenos ópticos que produce a atmosfera e que falan dos avatares que desvían un raio ata que impacta na nosa retina”. O doutor en Física contrá aos estudantes como estes efectos “acentúanse no crepúsculo ds sol no horizonte, producindo raios crepusculares ou raios verdes” para finalmente falar “doutros soles, de horizontes, dos aneis de Einstein e da sombra dun buraco negro”.
