consello galego de universidades

Luz Verde do Consello de Universidades á creación en Ourense da Escola de Enxeñaría Aeroespacial

A proposta da Universidade de Vigo para a creación da Escola de Enxeñaría Aeronáutica e do Espazo no campus de Ourense foi informada favorablemente no pleno do Consello Galego de Universidades celebrado hoxe en Santiago de Compostela. O centro, no que se impartirá o Grao en Enxeñaría Aeroespacial, contará coas instalacións específicas e adecuadas, así como cos laboratorios necesarios e podería entrar en funcionamento, segundo as previsións da Universidade de Vigo, ao comezo do terceiro curso do grao, no curso 2018/2019.

Ademais, o CGU deu o visto e prace a retirar a autorización para impartir as seguintes titulacións de máster: Máster universitario en Computación de Altas Prestacións (en conxunto para a Universidade da Coruña e para a de Santiago); Máster en Migracións Internacionais: Investigación, Políticas Migratorias e Mediación Intercultural; e Máster en Planificación e Xestión de Destinos e Novos Produtos Turísticos, por parte da Universidade de Coruña. Pola súa banda, na Universidade de Vigo deixa de ofertarse o Máster universitario en Ciencias Biolóxicas: Bioloxía Molecular, Computacional e Ambiental e Bio-Industrias; o Máster en Enxeñaría Química; o Máster en Innovación Industrial e Optimización de Procesos; e o Máster en Políticas Comunitarias e Cooperación Territorial.

Deixar unha resposta

XHTML: Podes empregar estas etiquetas: <a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <s> <strike> <strong>

POLÍTICA DE COMENTARIOS:

GCiencia non publicará comentarios ofensivos, que non sexan respectuosos ou que conteñan expresións discriminatorias, difamatorias ou contrarias á lexislación vixente.

GCiencia no publicará comentarios ofensivos, que no sean respetuosos o que contentan expresiones discriminatorias, difamatorias o contrarias a la ley existente.