José Benito Vázquez impartindo unha charla nun instituto de ensino secundario. Foto: Duvi

José Benito Vázquez impartindo unha charla nun instituto de ensino secundario. Foto: Duvi

José Benito Vázquez, embaixador galego de Scientix

O exdirector da Escola de Enxeñaría de Minas e Enerxía, José Benito Vázquez, foi recentemente elixido como embaixador en Galicia de Scientix, unha iniciativa para o fomento da educación científica en Europa na que se agrupan máis de 7.000 docentes. “É un recoñecemento as tarefas de innovación educativa e transferencia científica que levamos facendo desde fai máis de 25 anos e toda unha oportunidade para aprender cousas novas nun ambiente de colaboración nacional e internacional”, di o investigador.

O principal obxectivo é promover e apoiar a colaboración entre o profesorado de todos os niveis nas áreas de Ciencias, Tecnoloxía e Matemáticas (STEM). A iniciativa foi galardoada no certame BETT 2017 Exhibition of Trends in Education Technology, como unha das 100 mellores innovacións mundiais no eido educativo.

Scientix forma unha rede de 31 ministerios de educación de diferentes países europeos e impulsado pola European Schoolnet. Cada tres anos designa unha serie de representantes ou embaixadores en cada país de Europa co fin de divulgar as súas actividades entre a comunidade docente de todo o ámbito europeo. En España, o programa conta con 43 embaixadores para o período 2017-2019, cinco vinculados a diferentes universidades españolas, no caso de Vázquez, e o resto é, maioritariamente, profesorado de secundaria.

“Como parte do panel de profesores da European Schoolnet podemos realizar tarefas de avaliación e seguemento de proxectos/ferramentas de innovación docente a nivel europeo e, ao mesmo tempo, axudar, por unha banda, á difusión dos recursos, proxectos e formación que proporciona Scientix, así como, pola outra, a informar das convocatorias periódicas que poidan ser de interese para o profesorado de Galicia”, di o investigador, que seguirá coas actividades de intercambio de divulgación científica, sobre todo co profesorado galego.

Deixar unha resposta

XHTML: Podes empregar estas etiquetas: <a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <s> <strike> <strong>

POLÍTICA DE COMENTARIOS:

GCiencia non publicará comentarios ofensivos, que non sexan respectuosos ou que conteñan expresións discriminatorias, difamatorias ou contrarias á lexislación vixente.

GCiencia no publicará comentarios ofensivos, que no sean respetuosos o que contentan expresiones discriminatorias, difamatorias o contrarias a la ley existente.