Expertos en esqueletos e momias analizaron en Santiago a dieta de comunidades antigas

Procedentes dunha ducia de países, un cento de especialistas no estudo de esqueletos e momias xuntáronse recentemente na Facultade de Bioloxía da USC para explorar as distintas conexións entre a paleodieta e a paleopatoloxía con especial interese na aplicación dos máis modernos métodos bioxeoquímicos (ADN, isótopos estables ou proteómica, entre outros). Ao longo de dous días de encontro presentáronse unha vintena de relatorios e pósteres sobre cuestións como a intoxicación por chumbo debido ao consumo de ron nas illas Orientais, o achado de ovellas finlandesas medievais alimentadas a bases de peixe e feces humanas ou a identificación de casos de lepra na Europa Medieval mediante ADN antigo.
Máis información no seguinte enlace: