Xoves 28 Marzo 2024

Eva Poveda, experta en infeccións por VIH, participa na Coruña no ciclo Ciencia Express

O ciclo de conferencias Ciencia exPress que promoven a Universidade da Coruña e a Asociación de la Prensa da Coruña traerá á Sala de Prensa da Reitoría o vindeiro 24 de novembro, ás 20:00 horas, á investigadora biomédica Eva Poveda que ofrecerá a conferencia “Infección por VIH e virus da hepatite C: que temos que saber?”.

Este ciclo de conferencias, aberto a todo o público, ten como obxectivo explicar de forma sinxela e rigorosa conceptos ou temas de actualidade mediática e de interese xeral. As infeccións polo Virus de Inmunodeficiencia Humana (VIH) e o virus da hepatite C (VHC) son problemas importantes de saúde pública a nivel mundial. Nos últimos anos, os avances en investigación biomédica cambiaron de forma radical o escenario destas dúas infeccións mellorando de forma extraordinaria o diagnóstico, tratamento e evolución clínica das persoas infectadas. Eva Poveda presentará na súa conferencia as principais características destas dúas infeccións e falará de aspectos epidemiolóxicos e virolóxicos, así como explicará os últimos avances a nivel diagnóstico e de tratamento e cales son os retos científicos actuais en relación a estas dúas infeccións.

Publicidade

Poveda é investigadora Biomédica, doutora en Microbioloxía Médica pola Universidade Complutense de Madrid (2004). Bióloga pola Universidade de Santiago de Compostela (1998). Experta no estudo da infección por VIH/SIDA e as hepatites virais. Participa e lidera proxectos de investigación nacionais e internacionais pioneiros no estudo destas infeccións. A dra. Eva Poveda ten un amplo coñecemento en técnicas de Bioloxía Molecular que lle permitiron o deseño e a implementación de diferentes ferramentas diagnósticas para o seguimento clínico de pacientes con infección por VIH e/ou hepatites virais. Ten publicados máis de 115 artigos en prestixiosas revistas internacionais (H-index:28) e os resultados dos seus traballos tiveron unha aplicabilidade directa no manexo clínico dos pacientes con infección por VIH e/ou hepatites virais. É co-autora e participa como experta na elaboración de diferentes Guías e Documentos de consenso como o de GeSIDA para o tratamento antirretroviral en adultos infectados por VIH ou o de GEHEP para o tratamento das hepatites víricas. É membro do consello da ESAR (European Society for Translational Antiviral Research) por España.

Actualmente coordina o Grupo de Viroloxía Clínica no Instituto de Investigación Biomédica da Coruña, INIBIC, do Complexo Hospitalario Universitario da Coruña e a Universidade da Coruña.

DEIXAR UNHA RESPOSTA

Please enter your comment!
Please enter your name here

Este sitio emprega Akismet para reducir o spam. Aprende como se procesan os datos dos teus comentarios.

Relacionadas

A toxoplasmose é un factor de risco para o envellecemento inflamatorio nos maiores

Un estudo da UDC demostra que as persoas cunha resposta de anticorpos máis forte á infección tiñan máis probabilidades de ser fráxiles

As infeccións de transmisión sexual entre menores de 18 anos medran un 37% en España

O XIV Congreso Nacional GeSIDA celebrado na Coruña reúne a centos de expertos que debatirán sobre os avances e retos no ámbito do VIH

A UDC coordina o primeiro sensor automático en detectar zoonoses a escala mundial

O proxecto está liderado polo grupo do investigador Alejandro Criado. Chámase FLUFET e identifica un amplo espectro de obxectivos virais

Os investigadores galegos da trama saudita cobraron da empresa do intermediario dos árabes

Os dous empregados do Centro da Carne, cunha desenfreada produción científica, inscribíronse na universidade Rei Abdulaziz pese a desenvolver a súa carreira en Galicia