Venres 29 Marzo 2024

Dúas universidades de Australia, ligadas ao sector naval, visitan o campus de Ferrol

A relación comercial actual de Navantia Ferrol co goberno australiano propiciou a visita o pasado venres dunha comitiva de empresas australianas á cidade departamental, entre as que se atopaban entidades ligadas ao mundo docente. Unha oportunidade para que a Universidade da Coruña puidese estreitar relacións con entidades académicas unidas ao sector naval a través dunha visita guiada polas instalacións do Campus Industrial de Ferrol.

Representantes de Flinders University e Tafesa ambas as dúas ligadas ao mundo docente e máis concretamente ao sector naval, coñeceron as instalacións do Campus Industrial de Ferrol nunha visita guiada polo vicerreitor de Política Científica, Investigación e Transferencia, Salvador Naya, xunto con outros membros da Universidade da Coruña como Ginés Nicolas, director do Campus Industrial, e o catedrático Daniel Pena. Na visita estaba tamén por parte de Navantia, Carlos Merino, director da Unidade Mixta de Investigación (UMI) UDC-Navantia, entre outros.

Publicidade

O encontro serviu para compartir experiencias entre universidades, tendo como referencia as relacións entre a entidade académica e as empresas. O vicerreitor fixo unha presentación xeral do Campus Industrial de Ferrol para, a continuación, trasladarse ao Centro de Investigacións Tecnolóxicas, CIT, onde rematou a visita nas instalacións da UMI UDC-Navantia.

DEIXAR UNHA RESPOSTA

Please enter your comment!
Please enter your name here

Este sitio emprega Akismet para reducir o spam. Aprende como se procesan os datos dos teus comentarios.

Relacionadas

A toxoplasmose é un factor de risco para o envellecemento inflamatorio nos maiores

Un estudo da UDC demostra que as persoas cunha resposta de anticorpos máis forte á infección tiñan máis probabilidades de ser fráxiles

Buscan nun cemiterio de Narón unha das maiores fosas creadas polos golpistas en Galicia

O 26 de decembro de 1936 levouse a cabo unha das máis grandes execucións masivas das que hai constancia en terras galegas, na que foron asasinadas un total de 34 persoas

A UDC coordina o primeiro sensor automático en detectar zoonoses a escala mundial

O proxecto está liderado polo grupo do investigador Alejandro Criado. Chámase FLUFET e identifica un amplo espectro de obxectivos virais

Aparece en Ferrol unha balea xibarte morta de case 10 metros

É o primeiro cetáceo desta especie que vara en Galicia dende 2011, e puido morrer ao quedar engachado en aparellos de pesca