.

.

Divulgacción celebra este sábado en Pontevedra o seu encontro anual

A reunión da Asociación Galega de Comunicación de Cultura Científica e Tecnolóxica organiza actos abertos ao público

A Asociación Galega de Comunicación de Cultura Científica e Tecnolóxica (Divulgacción) celebrará este sábado 28 en Pontevedra o seu sexto encontro anual. Será na Casa da Luz, no casco antigo da cidade, que acollerá a asemblea da entidade, conferencias e actividades abertas ao público.

Pola mañá haberá un programa exclusivo para socios, cunha visita ao Museo de Pontevedra, a asemblea e unha comida conxunta. Xa pola tarde, con entrada libre ata completar aforo, Divulgacción organiza un debate sobre o micromecenado en ciencia e divulgación e dúas charlas sobre as mulleres na informática e o cambio climático en Galicia, impartidas, respectivamente, por Javier Pedreira “Wicho”e Xavier Fonseca.

Este é o programa completo:

Programa para socios:

10.00: Visita ao Museo de Pontevedra, cunha guía especial orientada a divulgadores.

12.00: Asemblea.

14.00: Descanso para comer (lembra anotarte se queres comer con nós! Non te preocupes, o prezo do menú será asequible)

Programa aberto ao público:

16.30: Debate: Crowdfunding: Unha reflexión sobre o crowdfunding en ciencia e divulgación.

Roi Villar Vázquez, Presidente da Asociación de Comunicadores en Biotecnoloxía, creador de iLoveScience, Xefe de internacionalización de BioCAT.

Alfonso Pérez Posía, Director do Departamento de Participación Privada da FECYT, Plataforma Principia.

José Antonio Seoane, profesor de Filosofía do Dereito da UDC.

ModeraIolanda Casal, xornalista.

18.00: Charlas

A informática tamén é cousa de mulleres

Javier Pedreira, Wicho, Responsable do departamento de informática nos Museos Científicos Coruñeses e coautor de Microsiervos.

Galicia nos tempos do cambio climático

Xavier Fonseca, xornalista e divulgador científico. Historias del Tiempo, VTelevisión.

Deixar unha resposta

XHTML: Podes empregar estas etiquetas: <a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <s> <strike> <strong>

POLÍTICA DE COMENTARIOS:

GCiencia non publicará comentarios ofensivos, que non sexan respectuosos ou que conteñan expresións discriminatorias, difamatorias ou contrarias á lexislación vixente.

GCiencia no publicará comentarios ofensivos, que no sean respetuosos o que contentan expresiones discriminatorias, difamatorias o contrarias a la ley existente.