Xoves 28 Marzo 2024

Curso de iniciación no voo de drones para todos os públicos, no Tecnópole de Ourense

Parque Tecnolóxico de Galicia-Tecnópole promove a celebración, o vindeiro 11 de xaneiro, da primeira experiencia de iniciación no voo de drons profesionais dirixida a todos os públicos que se realiza en Galicia. Durante unha formación teórico-práctica de oito horas, os participantes poderán coñecer e manexar os mesmos equipos utilizados en series como “El Príncipe” ou “El final del camino” –unha produción de RTVE que se emitirá en 2017– da man dos profesionais que estiveron a cargo destas gravacións.

Esta será a primeira experiencia formativa que se imparta no Parque Tecnolóxico de Galicia logo de que o helipuerto do recinto fose validado e autorizado pola Axencia Estatal de Seguridade Aérea (AESA) para acoller prácticas de voo de avións non tripulados. Con este curso, Tecnópole inicia unha nova liña de accións formativas no manexo de drons, en resposta á elevada demanda dun sector no que Galicia se está a posicionar de xeito moi competitivo, grazas a proxectos como a Civil UAVs Initiative da Xunta.

Publicidade

A empresa Aerocámaras, recén instalada na Tecnópole, será a encargada de introducir aos asistentes nos coñecementos básicos necesarios para voar drons profesionais. Na parte teórica, os alumnos recibirán coñecementos xerais sobre lexislación, diferentes modelos de drons e as súas utilidades e nocións básicas de voo, entre outros temas. Posteriormente, no campo de voo, realizarán exercicios titorizados polos docentes expertos.

O cupo de participantes está limitado a 25 para garantir unha formación participativa. A inscrición está aberta na web da Tecnópole (https://www.tecnopole.es/es/curso-iniciacion-drons) ata o 9 de xaneiro.

Aerocámaras é unha empresa galega con ampla experiencia no sector como operadora de drons pioneira en España, ao ser a primeira autorizada pola AESA. Ás súas escolas de pilotos repartidas por oito provincias españolas, suma a realización de proxectos en oito países. En España, ten participado en proxectos audiovisuais de Mediaset, TVE e Atresmedia e ten impartido formación en colaboración con varias universidades, entre as que se atopa a Universidade de Vigo.

DEIXAR UNHA RESPOSTA

Please enter your comment!
Please enter your name here

Este sitio emprega Akismet para reducir o spam. Aprende como se procesan os datos dos teus comentarios.

Relacionadas

A falsa endemia de malaria e outros intentos para desecar a lagoa de Antela

A partir do século XVIII a zona húmida foi considerada inimiga da agricultura. Os veciños intentaron evitar o desaugamento das terras que utilizaban para o pastoreo

Galicia superará os 40 graos durante a cuarta onda de calor da península

O sur de Pontevedra a Ourense serán as zonas máis afectadas durante un episodio de calor intenso que durará ata o xoves

Alerta por 19 positivos por tuberculose en Ourense: estes son os seus síntomas

Un infectado contaxiou a case unha vintena de alumnos do IES Julio Prieto Nespereira que, de momento, non desenvolveron a enfermidade

Sen inflamación e sen dor: unha nova técnica axiliza a recuperación das hernias de disco

O Parque Tecnolóxico de Galicia acolle este venres unha formación dirixida a traumatólogos e neurocirurxiáns de todo o país