balonmán software

Crean en Pontevedra un software para analizar o balonmán en tempo real

Recoller dunha forma sinxela toda aquela información que afecta ao rendemento dun equipo de balonmán, así como os datos que permiten dar conta da eficacia das accións ofensivas e defensivas de un e outro equipo e facelo ademais en tempo real, de tal xeito que os técnicos poidan empregar toda esa información para a toma de decisións durante o propio encontro. Esta é a principal innovación que achega a ferramenta informática que o investigador Iván González desenvolveu para a súa tese de doutoramento, centrada no deseño e validación dun “instrumento de observación para a análise do rendemento en balonmán”, tendo en conta a ausencia neste deporte de ferramentas específicas capaces de reunir “as accións máis importantes que teñen lugar durante un partido e que inflúen no rendemento dos equipos”.

“Trátase dunha ferramenta para rexistrar e analizar, dunha forma rápida, sinxela e eficaz as accións de ambos equipos durante o xogo, tanto en ataque como en defensa” e que polo tanto “axuda ao adestrador a tomar decisións baseadas en datos fiables e obxectivos”, engade González García da aplicación que desenvolveu para que unha única persoa poida recoller de forma simultánea nun dispositivo táctil a información sobre accións individuais, espaciais, temporais e de situación. “A diferenza con outro tipo de ferramentas é que a avaliación do rendemento se realiza durante o partido e non unha vez finalizado, polo que a información pode ser utilizada de forma inmediata para ofrecer unha retroalimentación aos xogadores e poder cambiar o transcurso do partido”, engade González da ferramenta que desenvolveu no marco da súa tese Análisis del comportamiento ofensivo y defensivo en balonmano a través de los indicadores de rendemento e índices de eficacia. Validación de un software en tiempo real, que dirixiron os profesores da Facultade de Ciencias da Educación e do Deporte Jorge Viaño e Luís Casais.

Máis información no seguinte enlace:

Unha ferramenta informática para analizar o balonmán en tempo real

O investigador Iván González deseñou esta aplicación para a súa tese de doutoramento O software permite obter información ao momento, axudando así ás decisións dos adestradores Recoller dunha forma sinxela toda aquela información que afecta ao rendemento dun equipo de balonmán, así como os datos que permiten dar conta da eficacia das accións ofensivas e defensivas de un e outro equipo e facelo ademais en tempo real, de tal xeito que os técnicos poidan empregar toda esa información para a toma de decisións durante o propio encontro.

 

Deixar unha resposta

XHTML: Podes empregar estas etiquetas: <a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <s> <strike> <strong>

POLÍTICA DE COMENTARIOS:

GCiencia non publicará comentarios ofensivos, que non sexan respectuosos ou que conteñan expresións discriminatorias, difamatorias ou contrarias á lexislación vixente.

GCiencia no publicará comentarios ofensivos, que no sean respetuosos o que contentan expresiones discriminatorias, difamatorias o contrarias a la ley existente.