O Grupo Naturalista Hábitat organiza este mércores 27 de setembro un relatorio no que falará Alfredo López, fundador da Coordinadora para o Estudo dos Mamíferos Mariños (Cemma) e doutor en Bioloxía Mariña. A charla versará sobre 25 anos entre golfiños e baleas, en alusion ao traballo da Cemma, creada en 1992. Unha sesión que cobra interese despois dos últimos avistamentos de baleas azuis na ría de Muros e Noia e nas proximidades da Illa de Ons.
A sesión terá entrada de balde e aberta ao público, aínda que é preciso realizar unha inscrición previa que se pode completar nesta ligazón. Terá lugar no local social de Hábitat, na rúa Camariñas 8, baixo, ás 20.30 horas.