Joaquín Abadín, Iván Adrio, Patricia Fernández e Raico Álvarez, na Escola Politécnica Superior de Lugo. Foto: USC.

Joaquín Abadín, Iván Adrio, Patricia Fernández e Raico Álvarez, na Escola Politécnica Superior de Lugo. Foto: USC.

Alumnos da Politécnica de Lugo gañan un concurso nacional de dirección de proxectos

O equipo viaxará en xuño a Croacia para disputar a fase final do campionato fronte a alumnos doutros países europeos

Os Estudantes do Máster Oficial en Dirección de Proxectos da USC da Escola Politécnica Superior (EPS) do Campus Terra, Joaquín Abadín, Iván Adrio, Raico Álvarez e Patricia Fernández, proclamáronse campións da fase española da terceira edición do Campionato Internacional en Dirección de Proxectos (iPMC), despois de completar coa puntuación máis alta as probas desenvolvidas na Escola Técnica Superior de Enxeñaría Agronómica, Alimentaria e de Biosistemas de Seguridad da Universidade Politécnica de Madrid.

Este éxito colleitado pola delegación de estudantes de mestrado no Campus Terra da USC consolida o liderado e a calidade da formación ligada á dirección de proxectos que se imparte na Escola Politécnica Superior de Lugo, que xa en 2016 acadou a vitoria da fase nacional deste certame internacional.

A vitoria clasifica ao equipo da EPS para a fase final deste campionato, que se desenvolverá do 9 ao 11 de xuño en Brijuni (Croacia), onde os estudantes da USC viaxarán de balde, ademais de coas taxas de exame xa aboadas para obter a acreditación da IPMA. Nesta fase final do torneo, a delegación estudantil da EPS deberá medir as súas habilidades e competencias con outros equipos procedentes de Lituania, Finlandia, Croacia e Serbia.

 

 

Deixar unha resposta

XHTML: Podes empregar estas etiquetas: <a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <s> <strike> <strong>

POLÍTICA DE COMENTARIOS:

GCiencia non publicará comentarios ofensivos, que non sexan respectuosos ou que conteñan expresións discriminatorias, difamatorias ou contrarias á lexislación vixente.

GCiencia no publicará comentarios ofensivos, que no sean respetuosos o que contentan expresiones discriminatorias, difamatorias o contrarias a la ley existente.