O café Casino de Santiago de Compostela (Rúa do Vilar, 35) acolle o vindeiro mércores 20 de setembro, ás 21.30 horas, unha nova edición das NerdNites, o ciclo de charlas divulgativas que teñen lugar na capital galega todos os anos durante o curso académico.
Nesta ocasión, as sesións basearanse na astrofísica, coincidindo co congreso ‘Road to the stars’ organizado pola USC e o Incipit. Deste xeito estas serán as conferencias:
- ’55 Cancri e, Proxima b, Trappist-1… vaia nomes que teñen’, por parte da profesora de Astronomía e Astrofísica da UVigo Ana Ulla Miguel.
- ‘Máis aló hai dragóns’, a cargo do catedrático de Astronomía da Universidade de Valencia Vicent J.Martínez.
- ‘Materia escura e enerxía escura, as dúas forzas misteriosas que dominan o Universo’, impartida polo profesor de Astronomía da Universidade de Victoria, en Canadá, Julio Fernando Navarro.
A asistencia é gratuíta e libre ata completar aforo.