alumnos estranxeiros udc

A Universidade da Coruña conta este curso con 600 alumnos estranxeiros

Un total de 600 alumnos estranxeiros cursan estudos na Universidade da Coruña este curso, dos que a metade chegaron para estudar no segundo cuadrimestre. O reitor da Universidade da Coruña, Julio Abalde, recibiunos no Paraninfo da Reitoría nun acto de benvida institucional no que participaron a vicerreitora de Internacionalización e Cooperación, Pilar García de la Torre, a vicerreitora de Estudantes, Participación e Extensión Universitaria, Margarita Amor, e o secretario Xeral da UDC, Carlos Aymerich.

Dos 600 estudantes, 50 proceden de Italia e o resto doutros 27 países dos que destacan México, Polonia, Francia, Vietnam e Romanía. “Asia é unha prioridade para a Universidade da Coruña, este grupo de alumnos de Vietnam, uns 16 que están estudando español para poder matricularse e realizar toda a carreira aquí vén a sumarse aos grupos de alumnos que xa temos procedentes de China e Corea”, explicou a vicerreitora de Internacionalización e Cooperación, Pilar García de la Torre.

O reitor agradeceu aos novos alumnos a súa elección por esta universidade para cursar parte dos seus estudos superiores e animounos a, ademais de estudar, gozar da cultura e “coñecernos aos galegos e mesmo aprender a marabillosa lingua propia que temos”.

Deixar unha resposta

XHTML: Podes empregar estas etiquetas: <a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <s> <strike> <strong>

POLÍTICA DE COMENTARIOS:

GCiencia non publicará comentarios ofensivos, que non sexan respectuosos ou que conteñan expresións discriminatorias, difamatorias ou contrarias á lexislación vixente.

GCiencia no publicará comentarios ofensivos, que no sean respetuosos o que contentan expresiones discriminatorias, difamatorias o contrarias a la ley existente.