RETRATO PINTURA    DE  MIGUEL DE CERVANTES

A relación entre Cervantes e o viño do Ribeiro, a debate en Xeografía e Historia da USC

A mesa redonda ‘Cervantes e o viño de Ribeiro’ súmase ao abano de actos organizados con motivo do 400 aniversario da morte de Miguel de Cervantes. Esta é unha actividade enmarcada nas Xornadas de Outono: Cultura do viño e literatura’, apoiada pola Vicerreitoría de Estudantes, Cultura e Responsabilidade Social da USC e coordinadas polo historiador Xavier Castro, da Fundación Dieta Atlántica da USC. Como lembra o propio coordinador, “na obra do xenio das letras hispánicas aparece mencionado e ponderado o viño do Ribeiro, unhas das marcas que máis acaidamente encarnan a representación da identidade simbólica de Galicia”.

Esta mesa que explora a relación de Cervantes e o viño galego celebrarase este xoves 27 na Sala de Profesores da Facultade de Xeografía e Historia a partir das 20.00 horas. Participarán os profesor Augusto Pérez Alberti, co relatorio ‘O Ribeiro: un vello complexo agrario’; Pegerto Saavedra falando do viño do Ribeiro na Historia Moderna de Galicia; Rosaura Leis Trabazo para explorar a relación coa dieta atlántica; e o propio Xavier Castro, que se referirá especificamente á presenza da cultura do viño en Cervantes.

Como explica o coordinador do evento, esta proposta cultural que promove o Consello Regulador da D.O. Ribeiro posúe un carácter interdisdisciplinar e consistirá na celebración en varias cidades galegas, así como en Madrid e Barcelona, de mesas redondas, conferencias multimedia e outros actos conmemorativos nos que intervirán recoñecidos especialistas na cultura e historia do viño e a literatura. En todas estas propostas presentarase unha edición especial dun viño do Ribeiro etiquetado especificamente para esta conmemoración cervantina.

Deixar unha resposta

XHTML: Podes empregar estas etiquetas: <a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <s> <strike> <strong>

POLÍTICA DE COMENTARIOS:

GCiencia non publicará comentarios ofensivos, que non sexan respectuosos ou que conteñan expresións discriminatorias, difamatorias ou contrarias á lexislación vixente.

GCiencia no publicará comentarios ofensivos, que no sean respetuosos o que contentan expresiones discriminatorias, difamatorias o contrarias a la ley existente.