O acto desenvorase no salón de actos da Escola Politécnica Superior de Lugo.

O acto desenvorase no salón de actos da Escola Politécnica Superior de Lugo.

A propiedade e a xestión do territorio será o eixe central dunha sesión formativa na USC

A propiedade da terra e a xestión territorial centrarán este xoves, a partir das 17.30 horas, no salón de actos da Escola Politécnica Superior do Campus Terra da USC, a temática dunha actividade formativa organizada ao abeiro do Máster en Xestión Sustentable da Terra e do Territorio (Masterra).

O maxistrado do Tribunal Superior de Xustiza de Galicia (TSXG) Luis Villares Naveira abrirá a sesión cun relatorio que se desenvolverá baixo o título O territorio: de quen e para quen?. De seguido, o mesmo escenario acubillará unha mesa de debate sobre a relación entre a propiedade da terra en Galicia, as actuacións das administracións públicas e as dinámicas territoriais.

O foro está dirixido a todo o público interesado no devir do territorio e dos seus aproveitamentos

O director Xeral de Desenvolvemento Rural da Xunta de Galicia, Miguel Ángel Pérez Dubois; a profesora da USC e director do Instituto de Estudos do Territorio, Ines Santé Riveira; o presidente da Rede Galega de Custodia do Territorio, Óscar Rivas López; o enxeñeiro de Montes  e presidente da Asociación Forestal de Galicia, Francisco Dans del Valle, e o enxeñeiro agrónomo e é director da área de cultivos e mecanización agraria da cooperativa Os Irmandiños, Santiago Sousa Lema, completan a nómina de relatores que tomarán parte neste debate.

Este foro de análise incluído no programa formativo do Masterrra está orientado á participación de estudantes, profesionais, responsables políticos e sindicais, asociacións e ONGs, ademais de a todo o público interesado no devir do territorio e dos seus aproveitamentos, na xestión dos recursos naturais e tamén na actuación da sociedade en aras de asegurar súa sustentabilidade. A entrada é libre e de balde.

Deixar unha resposta

XHTML: Podes empregar estas etiquetas: <a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <s> <strike> <strong>

POLÍTICA DE COMENTARIOS:

GCiencia non publicará comentarios ofensivos, que non sexan respectuosos ou que conteñan expresións discriminatorias, difamatorias ou contrarias á lexislación vixente.

GCiencia no publicará comentarios ofensivos, que no sean respetuosos o que contentan expresiones discriminatorias, difamatorias o contrarias a la ley existente.