A Estación das Ciencias Mariñas de Toralla, Ecimat, estreou esta semana a súa propia canle en YouTube cun vídeo de criopreservación de microalgas mariñas no que a investigadora moañesa Estefanía Paredes explica paso a paso en que consiste a criopreservación, unha ferramenta que se está aplicando exitosamente para a conservación de cultivos de microalgas mariñas.
Tal e como explican na propia páxina web da Ecimat e tamén no vídeo, a criopreservación permite o almacenamento de células ou tecidos por longos períodos de tempo a temperaturas crioxénicas (-196ºC), mantendo un estado de “animación suspendida” no que todas as actividades biolóxicas e reaccións metabólicas están en suspenso.
Máis información no seguinte enlace:
http://duvi.uvigo.es/index.php?option=com_content&task=view&id=10724&Itemid=2