vAO

A paria do Vao, en Vigo. / D.

Quedada no Vao para ver a eclipse

Tres organizacións cítanse en Vigo para unha observación con expertos na que se repartirán lentes e se instalarán telescopios

Galicia será unha das mellores situacións de toda Europa para gozar da eclipse parcial de Sol que se producirá o próximo 20 de marzo. Un escenario privilexiado que a Fundación Ceo, Ciencia y Cultura, a Agrupación Astronómica Rías Baixas e a Asociación Astronómica de Vigo quixeron aproveitar para organizar de xeito conxunto unha observación na praia viguesa do Vao, en Coruxo.

O evento arrancará ás 09.00 horas do próximo venres 20 no paseo que percorre esta praia, onde se colocarán telescopios, prismáticos con filtros solares e lentes especiais para poder contemplar o Sol.

Nesta ocasión a eclipse será parcial, é dicir, a Lúa non chegará a cubrir na súa totalidade ao Sol, aínda que no seu momento de máxima ocultación o tapará nun 75% aproximadamente.

Está previsto que a eclipse comece ás 09,04 horas con 26 segundos e que chegue ao seu momento de máximo apoxeo ás 10,07 con 13 segundos. O final deste fenómeno será ás 11 e 15 minutos.

Os interesados en achegarse ata o areal vigués a gozar deste espectacular fenómeno estarán acompañados en todo momento por expertos que lles poderán ir dando explicacións da eclipse.

Por suposto, unha das condicións imprescindibles para a realización do evento é que o bo tempo acompañe, algo ao que as previsións meteorolóxicas apuntan nun principio. Os expertos apuntan que a seguinte eclipse solar visible dende España se producirá o 12 de agosto de 2026, mentres que a próxima eclipse lunar se prognostica para a noite do 27 ao 28 de novembro dese mesmo ano.

Deixar unha resposta

XHTML: Podes empregar estas etiquetas: <a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <s> <strike> <strong>

POLÍTICA DE COMENTARIOS:

GCiencia non publicará comentarios ofensivos, que non sexan respectuosos ou que conteñan expresións discriminatorias, difamatorias ou contrarias á lexislación vixente.

GCiencia no publicará comentarios ofensivos, que no sean respetuosos o que contentan expresiones discriminatorias, difamatorias o contrarias a la ley existente.