Recreación da aliñación planetaria que veremos este inverno.

Recreación da aliñación planetaria que veremos este inverno.

O inverno chega este xoves ás 17:28 horas

Dúas eclipses e unha aliñación de planetas coas estrelas Antares e Spica serán as novas astronómicas da estación

Ás 17:28 horas deste xoves comezará o inverno no hemisferio norte, prolongándose ata as 17:15 horas do 20 de marzo. Remata así outro outono seco, moi semellante ao de 2016. Se na área de Compostela o ano pasado se recolleran 321,1 litros/m2 en 37 xornadas, este ano foron 331,9 nun día menos, se ben 100,5 deles corresponden ao 10 de decembro.

Con respecto aos fenómenos que se poderán observar, dende o Observatorio Astronómico Ramón María Aller da USC destacan unha curiosa aliñación nos amenceres de febreiro e marzo dos planetas Saturno, Marte e Xúpiter coas brillantes estrelas Antares e Spica. Entre os días 5 e 11 deses dous meses a Lúa irá percorrendo esa aliñación.

En canto ás dúas eclipses desta estación –total de lúa o 31 de xaneiro e parcial de sol o 15 de febreiro– ningunha será visible en España. O que si se poderá ver é a Mercurio a simple vista antes da saída do sol en torno a fin de ano e a mediados de marzo logo do solpor. Nesta segunda oportunidade Mercurio estará preto de Venus, sendo así máis sinxela a súa localización.

Deixar unha resposta

XHTML: Podes empregar estas etiquetas: <a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <s> <strike> <strong>

POLÍTICA DE COMENTARIOS:

GCiencia non publicará comentarios ofensivos, que non sexan respectuosos ou que conteñan expresións discriminatorias, difamatorias ou contrarias á lexislación vixente.

GCiencia no publicará comentarios ofensivos, que no sean respetuosos o que contentan expresiones discriminatorias, difamatorias o contrarias a la ley existente.