A foto de Dani Caxete premiada pola súa imaxe do ceo nocturno dende Loiba.

A foto de Dani Caxete premiada pola súa imaxe do ceo nocturno dende Loiba.

O banco máis bonito do mundo está en Galicia

Unha foto dende o banco de Loiba, en Ortigueira, recibe un premio internacional á mellor imaxe do ceo nocturno

O banco máis bonito do mundo está en Galicia. Concretamente, na na parroquia de Loiba, en Ortigueira. Situado sobre un balcón natural cunha impresionante vista ao océano e a unha longa ringleira de altos cantís, o banco de Loiba ten escrito a bolígrafo no seu respaldo: “O mellor banco do mundo“. Agora, tamén ten a súa mellor foto.

O famoso banco de Loiba, no mirador do Coitelo.

O famoso banco de Loiba, no mirador do Coitelo.

Porque unha imaxe deste banco está entre as elixidas na sexta edición do Earth and Sky Photo Contest on Dark Skies Importance (Twan), un concurso de prestixio que busca os ceos nocturnos máis belos do mundo. O premio naceu en 2008, e dende 2009 adquiriu unha dimensión global. O seu obxectivo é a preservación de ceo da noite como parte do noso patrimonio natural.

O fotógrafo galego Dani Caxete é o autor da imaxe que figura entre as seleccionadas este ano polo proxecto Twan, no que participaban fotos de 54 países. Foi tomada en agosto de 2014, ás 3.00 horas da madrugada. O concurso está aberto a calquera persoa de calquera idade, en calquera parte do mundo; tanto fotógrafos profesionais coma afeccionados. A toma do banco de Loiba recibiu unha mención especial.

Na fotografía de Dani Caxete obsérvase nitidamente a Vía Láctea e un ceo espectacular. O nome do miradoiro é O Coitelo e dende o seu banco se poden contemplar os castís de Loiba e a boca da ría cos cabos Ortegal e Estaca de Bares nos extremos.

Deixar unha resposta

XHTML: Podes empregar estas etiquetas: <a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <s> <strike> <strong>

POLÍTICA DE COMENTARIOS:

GCiencia non publicará comentarios ofensivos, que non sexan respectuosos ou que conteñan expresións discriminatorias, difamatorias ou contrarias á lexislación vixente.

GCiencia no publicará comentarios ofensivos, que no sean respetuosos o que contentan expresiones discriminatorias, difamatorias o contrarias a la ley existente.