O próximo 19 de abril comezan as III Xornadas de Especies Invasoras xunto ao cuarto Proxecto DivulGATE: “a falar apréndese falando” no CUVI. As 09:30 comeza a recepción dos asistentes e as 10:05 horas a primeira das charlas, impartida polo doutor José María Sánchez. O acceso é gratuito e está aberto a todo o público.
A facultade de bioloxía da Universidade de Vigo acollerá actividades relacionadas coa temática das especies exóticas invasoras como concepto principal, e das que hai pola zona, a maiores dunha visión dos estudos que se fan do tema nun entorno moito máis próximo do que poida parecer. O obxectivo e “dar a coñecer as especies invasoras, a importancia que teñen, que se pode, ou non, facer para erradicarlas… tocar todos os puntos”, como explica o portavoz da delegación de alumnos, Adrián Blanco García.
As actividades transcurrirán durante todo o día e incluirán unha saída polo campus para rematar, ás 17:30 horas, no que se poderán observar algunhas das especies tratadas. Por último, os asistentes teñen a posibilidade de optar a unha saída teórico-práctica que se levará a cabo nas Illas Cíes a primeira fin de semana de xuño, con 28 prazas dispoñibles, formalizando a inscrición nas propias xornadas.