O amieiro tamén coñecido como ameneiro ou abeneiro, é unha das árbores de ribeira máis comúns en Galicia.

O amieiro tamén coñecido como ameneiro ou abeneiro, é unha das árbores de ribeira máis comúns en Galicia.

Científicas galegas acadan un importante avance para blindar ao amieiro ante as pragas

Varias investigadoras do CSIC desenvolveron un método de conservación “in vitro” para preservar esta árbore de ribeira

O Instituto de Investigacións Agrobiolóxicas de Galicia (IIAG), adscrito ao CSIC, vén de acadar un novo avance na conservación do amieiro, unha das árbores de ribeira máis senlleiras do país. Os científicos desenvolveron unha nova ferramenta biotecnolóxica para rexenerar “in vitro” esta especie.

Tras seis anos de ensaios no laboratorio do Grupo de Biotecnología y Mejora Forestal, puxeron a punto un método de micropropagación para a rexeneración de amieiros seleccionados en concas de Galicia afectadas pola praga do organismo Phytophthora alni. Para blindar á especie, o CSIC investiga para obter exemplares tolerantes a este organismo. A praga causou a morte dun importante número de árbores nas concas do Miño-Sil e o Limia.

Os detalles do traballo, que leva por título Biotechnological approaches for the improvement and conservation of Alnus glutinosa, acaban de publicarse nun libro editado por Springer. A investigación forma parte do proxecto “Conservación a longo e medio prazo do xermoplasma de amieiro”, asinado polas científicas Mª del Carmen San José, Elena Corredoira, Laura Janeiro, María Teresa Martínez, Silvia Valladares, Mª José Cernadas e Raquel Montenegro. O estudo está financiado polo Instituto Lucense de Desarrollo Económico y Social (INLUDES).

Os traballos enmárcanse nunha encomenda de xestión coa Confederación Hidrográfica Miño-Sil, e agárdanse que nos vindeiros meses se obteñan os resultados do proxecto.

Desde hai máis de 25 anos, o IIAG traballa en investigacións que procuran a mellora, propagación vexetativa e conservación de especies forestais a través da biotecnoloxía. Foi importante a súa labor na defensa dos bidueiros, carballos, castiñeiros, faias, chopos, sobreiras ou olmos.

Deixar unha resposta

XHTML: Podes empregar estas etiquetas: <a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <s> <strike> <strong>

POLÍTICA DE COMENTARIOS:

GCiencia non publicará comentarios ofensivos, que non sexan respectuosos ou que conteñan expresións discriminatorias, difamatorias ou contrarias á lexislación vixente.

GCiencia no publicará comentarios ofensivos, que no sean respetuosos o que contentan expresiones discriminatorias, difamatorias o contrarias a la ley existente.