Rebeca recibe o premio de mans do xurado e as autoridades. Foto: Concello da Coruña.

Rebeca recibe o premio de mans do xurado e as autoridades. Foto: Concello da Coruña.

Rebeca Pena Ríos será a embaixadora galega no World Biotech Tour

Rebeca Pena Ríos, estudante do IES As Telleiras de Narón, será a representante da Domus na Coruña no Cumio Mundial do festival World Biotech Tour, que se celebrará en novembro na cidade de Tokio (Xapón). O xurado escolleu o proxecto Ver o ADN, para que serve?, destacando a paixón, a implicación e a capacidade didáctica desenvolvida por Rebeca para achegar a xenética a todos os públicos. Para o seu traballo, Rebeca contou coa colaboración do grupo de Medicina Xenómica da USC.

Ademais, o xurado do certame decidiu outorgarlle á estudante gañadora e ao resto de participantes no concurso unha bolsa de viaxe para presentar o seu proxecto na final do concurso Ciencia en Acción, que terá lugar en outubro en Ermua (País Vasco).

Os 13 embaixadores da Domus, no acto do sábado. Imaxe: MC2.

Os 13 embaixadores da Domus, no acto do sábado. Imaxe: MC2.

Aproveitando a celebración deste festival, a Domus organizou o sábado unha xornada de portas abertas, con numerosas actividades. O acto central foi a presentación ao público dos proxectos dos 13 ‘embaixadores’, procedentes do IES Agra do Orzán da Coruña, IES de Pastoriza (Arteixo), IES David Buján (Cambre), IES As Telleiras (Narón) e CPI dos Dices (Rois).

O World Biotech Tour tivo á Domus coruñesa como unha das súas sedes. As outras foron catro centros de ciencias de Varsovia, Finlandia, Río de Janeiro e Johannesburgo. Este certame, organizado pola Fundación Biogen, ten por obxectivo divulgar todo o relacionado coa biotecnoloxía, sobre todo entre os nenos e mozos.

Deixar unha resposta

XHTML: Podes empregar estas etiquetas: <a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <s> <strike> <strong>

POLÍTICA DE COMENTARIOS:

GCiencia non publicará comentarios ofensivos, que non sexan respectuosos ou que conteñan expresións discriminatorias, difamatorias ou contrarias á lexislación vixente.

GCiencia no publicará comentarios ofensivos, que no sean respetuosos o que contentan expresiones discriminatorias, difamatorias o contrarias a la ley existente.