Únete á nosa canle de Whatsapp
Co gallo da celebración do Día Internacional da Nena e a Muller na Ciencia, que se conmemora este domingo 11 de febreiro, numerosas institucións científicas de Galicia veñen organizando actividades para defender as aportacións femininas, moitas veces ocultas, na historia da ciencia.
A Domus acollerá a I Xornada de Neurocientíficas, un acto organizado polo grupo Neurocom da Universidade da Coruña e coordinado tamén polo Instituto e Investigación Biomédica da Coruña, a Sociedad Española de Neurociencia e os Museos Científicos Coruñeses. O acto comezará ás 19 horas, e contará coa participación de varias expertas en neurociencia.
Programa do Día da Muller na Ciencia:
– Mónica Folgueira, profesora da UDC: “Avances e retos da neuroanatomía no século XXI”.
– Rosa Señarís, catedrática de Fisioloxía da USC: “O teu cerebro, o teu metabolismo”.
– María del Mar Castellanos, xefa do servizo de Neuroloxía do Chuac: “Muller, cerebro, ciencia e o meu gran de area”.
– Mesa redonda: “As mulleres na ciencia”, moderada pola xornalista Fernanda Tabarés, e coa participación de Carme Adán, catedrática de Filosofía, Secretaria Xeral de Igualdade entre 2005 e 2009 e presidenta da Unidade Muller e Ciencia da Xuga.
