Venres 29 Marzo 2024

As mellores fotografías de natureza de 2016, no Aquarium Finisterrae

Desde o luns 3 de xullo e ata o próximo 30 de outubro, a sala Isabel Castelo do Aquarium Finisterrae acolle unha exposición coas fotografías do European Wildlife Photographer of the Year. Este certame premia ás mellores imaxes da natureza que amosan a beleza do planeta e a importancia de preservalo.

O certame, aberto a todos os fotógrafos, tanto afeccionados como profesionais, divídese en nove categorías: aves; mamíferos; outros animais; plantas e fungos; paisaxes; mundo submarino; home e natureza; natureza de estudo e novos fotógrafos.

Publicidade

Na edición de 2016, á que pertencen as imaxes expostas no Aquarium, presentáronse 18.000 fotografías de 38 países. 84 delas foron seleccionadas como finalistas en cada categoría. Entre elas hai imaxes de nove fotógrafos españois: tres deles gañadores nas categorías de paisaxes, natureza de estudo e fotógrafo menor de 14 anos.

A gañadora absoluta de 2016 foi “Respirando na noite polar”, de Audun Rikardsen (Noruega). O propio autor conta: “A principios de xaneiro, nun fiordo preto de Tromsø, no norte de Noruega, un barco de pesca arrastraba as súas redes mentres un grupo de orcas trataba de alimentarse. O frío extremo e a alta humidade crearon unha máxica bruma no mar. O meu barco, a miña cámara e ata eu mesmo estabamos cubertos de cristais de xeo, o que converteu a fotografía nun verdadeiro desafío. Tardei horas antes de lograr finalmente capturar a unha orca respirando na superficie do mar.”

Aquí podes ver a galería cas imaxes gañadoras no resto de categorías:

 

Máis información:

Exposición European Wildlife Photographer of the Year.

Aquarium Finisterrae (Sala Isabel Castelo).

Horario: Luns a venres de 10 a 20 horas. Sábados, domingos e festivos de 11 a 21 horas.

DEIXAR UNHA RESPOSTA

Please enter your comment!
Please enter your name here

Este sitio emprega Akismet para reducir o spam. Aprende como se procesan os datos dos teus comentarios.

Relacionadas

O planetario da Casa das Ciencias estrea unha proxección para público infantil

Un filme con dous esquíos como protagonistas ensinaralle os nenos de 4 a 7 anos as condicións de vida doutros planetas do sistema solar

A Asociación de Amigos da Casa das Ciencias festexa 30 anos de coñecemento compartido

O seu presidente, Julio Casal, reivindica o compromiso coa divulgación científica para achegar información de calidade á sociedade

Os Museos Científicos Coruñeses programan do 11 ao 19 de novembro a Semana da Ciencia

Co obxectivo de atender a elevada demanda de visitas, este ano prolónganse durante dúas fins de semana as celebracións da Semana da Ciencia

A Asociación de Amigos da Casa das Ciencias celebra o seu 30 aniversario

A entidade, que colabora cos Museos Científicos Coruñeses e o Muncyt, tamén organiza dúas conferencias sobre a relación entre música e ciencia