Únete á nosa canle de Whatsapp
Inspirándose na estética das orixes da aviación comercial, a NASA e o Jet Propulsion Laboratory encargaron a un grupo de deseñadores unha serie de carteis que amosasen como serían as viaxes espaciais no futuro. Do mesmo xeito que hoxe se anuncian viaxes a praias paradisíacas, monumentos emblemáticos ou espazos naturais cautivadores, estas imaxes anticipan futuras expedicións a Titán, Ceres, Marte, Xúpiter, ou Encélado.
Todos eles, un total de 14 carteis deseñados por nove artistas, poden verse na planta baixa da Casa das Ciencias da Coruña. O museo acaba de comezar co seu novo horario, despois dos meses de verán. Agora está aberto de luns a venres de 10 a 19 horas, e os sábados, domingos e festivos, de 11 a 19.
Aquí podes ver unha galería cos carteis da exposición.
