Venres 29 Marzo 2024

Rexistran por primeira vez en augas galegas unha rémora “brachyptera”

Os mariñeiros dun buque pesqueiro que faenaba o 7 de marzo de 2017 preto da costa de Corrubedo atoparon un curioso peixe na cuberta do barco cando recollían os aparellos. Era unha Rémora brachyptera, unha especie desta familia de peixes, que adoita vivir pegada a grandes animais mariños, que utilizan como medio de transporte. Adhírense a eles a través dunha especie de ventosa que teñen na parte superior da cabeza, tal e como se pode ver na imaxe.

Despois de analizar o exemplar, un grupo de investigadores galegos do Instituto de Investigacións Mariñas de Vigo, a universidade viguesa e o Centro de Estudios do Medio Mariño de Ribeira publicaron na revista Acta Ichthyologica et Piscatoria a descrición do achado, o primeiro que se rexistra en augas do norte da península Ibérica. Non puideron identificar, de todas formas, a especie asociada á rémora, debido a que o animal apareceu só.

Publicidade

Detalle do disco de succión da rémora. Imaxe: Manuel E. Garci / IIM-CSIC.
Detalle do disco de succión da rémora. Imaxe: Manuel E. Garci / IIM-CSIC.

A especie Brachyptera da rémora é habitual nas augas temperadas e cálidas. En Galicia só estaba citada despois de ser atopada no medio dalgúns exemplares de peixe espada desembarcados na Coruña. Con todo, non había confirmación de que a rémora estivese en augas galegas, xa que os buques espadeiros adoitan traballar en augas internacionais.

Despois da súa captura, o exemplar conservouse vivo nas instalacións do acuario do Grove ata que morreu, un mes despois. Posteriormente, tras ser sometido a procesos de conservación, depositouse na colección de peixes do Museo de Historia Natural da USC.

Segundo sinalan os investigadores no seu artigo, este rexistro supón o 2º situado máis ao norte no Atlántico Oriental. Isto evidencia, a ollos dos científicos, que o quecemento das augas do océano está arrastrando a este tipo de especies tropicais cara o norte.

O traballo está asinado por Rafael Bañón (IIM-CSIC), Alexandre Alonso (Grupo de Estudos do Medio Mariño de Ribeira), Juan Carlos Arronte (Universidad de Santander), e David Barros e Alejandro de Carlos (Universidade de Vigo).

DEIXAR UNHA RESPOSTA

Please enter your comment!
Please enter your name here

Este sitio emprega Akismet para reducir o spam. Aprende como se procesan os datos dos teus comentarios.

Relacionadas

Un equipo do CSIC logra controlar unha doenza causante da extinción dos anfibios

Os investigadores aplicaron un funxicida agrario sen observar trazas do produto nin efectos significativos na química e bioloxía da auga

Zendal lanza a primeira vacina de tecnoloxía ADN contra a leishmaniose canina

‘Neoleish’ reduce a presenza do parasito en máis dun 90% e mellora os signos clínicos da doenza

Un composto natural reduce o impacto da seca e mellora a produtividade do tomate

Un equipo do CSIC e da UPV descobre como actúa o butanoato de hexenilo, un aroma que emiten estas plantas para resistir ás bacterias

Como usar datos históricos para a conservación de especies: así é a nova metoloxía con pegada galega

A UVigo e o CSIC proban un método en escaravellos coprófagos ibéricos que permite comprender a súa resposta a cambios ambientais