Barcos de pesca artesanal en Canido (Vigo). Foto: Dylanmonch.

Barcos de pesca artesanal en Canido (Vigo). Foto: Dylanmonch.

Os científicos rexeitan aplicar os ‘cero descartes’ na pesca artesanal

Presentan en Bruxelas un estudo liderado por investigadores galegos, con participación de Francia, Portugal, Canadá e Reino Unido

Sebastián Villasante.

Sebastián Villasante.

O profesor e investigador da USC Sebastián Villasante presenta este martes en Bruxelas os resultados do estudo ‘Small-scale fisheries and the zero discard rate’, un traballo encargado polo Comité de Pesca do Parlamento Europeo sobre a posta en práctica da prohibición de descartes nas pesqueiras artesanais da UE.

As principais conclusións deste informe, liderado por científicos de Galicia e participación internacional, indican que a pesar de que os descartes na pesca tradicional son mínimos, existe escasa evidencia científica que xustifique a prohibición dos mesmos na pesca artesanal por parte da Comisión Europea. O citado estudo advirte asemade de que a efectividade deste tipo de medidas en pesqueiras industriais logo de décadas de relevar datos científicos biolóxicos e socioeconómicos aínda está por confirmarse.

Aplicar ‘cero descartes’ afectaría tamén a navegabilidade dos barcos

O estudo ‘Small-scale fischeries and the zero discard rate’ tamén conclúe que a prohibición de descartes na pesca artesanal é imposible de levar á práctica na medida en que o espazo a bordo das embarcacións xa se atopa optimizado, polo que modificar as características estruturais dos barcos afectaría á súa propia navegabilidade, aumentaría o peso das embarcacións e o tempo dedicado polos pescadores a bordo. Todos estes efectos suporían de xeito implícito un incremento das horas de traballo e, en consecuencia, un aumento dos custes laborais e tamén dos derivados do combustible.

Os autores do informe ‘Small-scale fischeries and the zero discard rate’, un estudo coordinado pola USC e no que tamén participan as universidades de Vigo, de Abeerden (Reino Unido), Aveiro (Portugal), British Columbia (Canadá), e o Institut de Recherchepor le Développement (Francia), analizan neste traballo a situación actual dos descartes ao tempo que propoñen diversas recomendacións técnicas e de xestión relativas aos incentivos por parte dos pescadores para o cumprimento da prohibición dos descartes.

Podes consultar o estudo
neste enlace do Parlamento Europeo

Deixar unha resposta

XHTML: Podes empregar estas etiquetas: <a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <s> <strike> <strong>

POLÍTICA DE COMENTARIOS:

GCiencia non publicará comentarios ofensivos, que non sexan respectuosos ou que conteñan expresións discriminatorias, difamatorias ou contrarias á lexislación vixente.

GCiencia no publicará comentarios ofensivos, que no sean respetuosos o que contentan expresiones discriminatorias, difamatorias o contrarias a la ley existente.