Os Bolechas, a coñecida familia protagonista da serie de libros infantís en galego, non se quixeron perder o 100º aniversario do Centro Oceanográfico de Vigo, do IEO. Para celebralo, o seu creador, Pepe Carreiro, realizou un libro no que se amosa de xeito claro, ameno e sinxelo o traballo diario que se realiza no centro.
O libro, financiado pola Xunta, será enviado a todos os colexios de ensinanza Infantil e Primaria de Galicia e ás bibliotecas públicas da provincia de Pontevedra. Ademáis, está dispoñible de xeito gratuíto en internet.
Os Bolechas, a familia de ficción creada por Pepe Carreiro no ano 2000, acumula xa máis de 300 títulos publicados e un millón e medio de exemplares distribuídos. É un dos referentes da banda deseñada e a literatura infantil en galego.
Podes descargar de forma gratuíta Os Bolechas no Centro Oceanográfico de Vigo na seguinte ligazón.