Xoves 28 Marzo 2024

Investigadores de Lugo crean fiambres de pescada e bonito

Manuel Vázquez, do Laboratorio de Novos Alimentos da USC.
Manuel Vázquez, do Laboratorio de Novos Alimentos da USC.

Investigadores do Laboratorio de Desenvolvemento de Novos Alimentos da USC, un grupo dirixido polo profesor Manuel Vázquez Vázquez, da Área de Tecnoloxía de Alimentos do Departamento de Química Analítica, Nutrición e Bromatoloxía da USC, elaborarán produtos cunha estrutura semellante á que presenta o xamón cocido ou outros fiambres con materia prima de pescada e de bonito, que son as dúas especies que representan a maior porcentaxe das capturas de peixe rexistradas nos portos de Burela e Viveiro.

Este proxecto de valorización dos produtos do mar antes citados conta con finaciamento da Deputación Provincial de Lugo, que achegará 30.000 euros para o desenvolvemento deste tipo de fiambres de pescado. O período de investigación prolongarase durante un ano, segundo indicou o profesor Manuel Vázquez, quen precisou que unha vez que se acade o produto final desexado, os investigadores implicados tamén protagonizarán distintos talleres formativos en Burela e Viveiro, a fin de transferir a tecnoloxía empregada ás xentes do mar.

Publicidade

Vázquez explicou asemade que o Labtali tratará de definir neste proxecto as condicións óptimas para a reestruturación destes produtos do mar en fiambres, un proceso no que empregarán a enzima transglutaminasa, que permite reducir o contido en sal en produtos cárnicos como naqueloutros elaborados a partir de pescado.

O investigador sinalou que a participación do seu grupo neste proxecto débese en boa medida a que este equipo do campus de Lugo ten patentado un proceso de produción de transglutaminasa. Esta enzima, lembrou o profesor Vázquez, actúa como un aditivo natural que ten ademais a propiedade de ligar proteínas.

DEIXAR UNHA RESPOSTA

Please enter your comment!
Please enter your name here

Este sitio emprega Akismet para reducir o spam. Aprende como se procesan os datos dos teus comentarios.

Relacionadas

Un bólido cruza a costa de Lugo ata caer no Cantábrico

A segunda bóla de lume visible dende Galicia en apenas dúas semanas procedía da chuvia de estrelas das delta-leónidas

Crean en Vigo un mapa de biodiversidade costeira a partir de 11.000 chíos

A análise da información recompilada na rede X permite, cun baixo custo, complementar os programas existentes de vixilancia
00:00:22

Ibai, Luceira e Lula: as tres tartarugas que vararan en Galicia volven ao mar

Despois de pasar por un centro de recuperación e expulsar todos os plásticos do tracto dixestivo poden regresar ao océano

Novos achados revelan o carácter funerario da ‘roda’ de Adai, un xacemento único en Galicia

A descuberta dunha ola que se conserva completa e de pé sobre unha lousa suxiren que servía para actos rituais fundacional