Emprazamento xeográfico das avaliacións do ecosistema mariño e costeiro.

Emprazamento xeográfico das avaliacións do ecosistema mariño e costeiro.

Un estudo da USC revela o baixo coñecemento da cultura mariña no mundo

Un equipo internacional estudou o papel dos servizos ecosistémicos, os baleiros e as prioridades de investigación dos gobernos

Os servizos culturais mariños e costeiros (SEC), no que se reflicten as interaccións físicas e cognitivas das persoas coa natureza, segue a ser unha área descoñecida. Todo o contrario sucede cos servizos e beneficios dos océanos, que proporcionan unha fonte de alimento para o consumo humano fundamental e que ven sendo estudada desde hai décadas polas comunidades científicas

Ante esta eiva científica, membros do Grupo de Investigación AEMI e do Working Group of Resilience and Marine Ecosystem Services, o estudante de doutoramento da Facultade de Ciencias Políticas e Sociais da USC e investigador do Campus do Mar, Joao García-Rodrigues, e o profesor da USC, Sebastian Villasante, estudaron o estado do coñecemento dos SEC para identificar os baleiros e exploraron as prioridades de investigación e da axenda dos gobernos.

O estudo foi publicado na revista One Ecosystem

Os resultados da investigación indican que os coñecemento do SEC é escaso comparado con outros tipos de servizos ecosistémicos, e as poucas investigacións localízanse sobre todo en Europa e Norte América. “Este sesgo pode infravalorar as interaccións socio-ecolóxicas existentes noutras latitudes que estean a desenvolver mecanismos de salvagarda das prácticas culturais e a xestión do medio mariño-costeiro”, advirten os investigadores.

O equipo tamén constatou que a meirande parte dos estudos sobre SEC carecen de avaliacións cuantitativas e cualitativas “de aí a necesidade de desenvolver metodoloxías e indicadores cos que poder valorar a súa importancia para a sociedade”. Eses baleiros refírense á ausencia de avaliacións integradas, o vínculo dos SEC co benestar das persoas nas zonas costeiras, o papel do mar aberto e as augas profundas na provisión do SEC ou o rol do capital non natural na co produción de SEC. “Abordar de forma satisfactoria eses baleiros permitirá coñecer con maior precisión as interaccións entre os seres humanos e os ecosistemas mariños, coa perspectiva de que os SEC sexan incluídos no deseño das políticas públicas dos gobernos”, conclúen.

O traballo científico, no que interveu un grupo multidisciplinar de especialistas en servizos ecosistémicos de diversos países (Alemaña, Arxentina, Canadá, Noruega e USA, entre outros) foi publicado recentemente na revista de acceso aberto One Ecosystem.

Deixar unha resposta

XHTML: Podes empregar estas etiquetas: <a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <s> <strike> <strong>

POLÍTICA DE COMENTARIOS:

GCiencia non publicará comentarios ofensivos, que non sexan respectuosos ou que conteñan expresións discriminatorias, difamatorias ou contrarias á lexislación vixente.

GCiencia no publicará comentarios ofensivos, que no sean respetuosos o que contentan expresiones discriminatorias, difamatorias o contrarias a la ley existente.